Kumin a chhuak Treple-X movie thar ber 'Return of Xander Cage-ah Neymar a lang ve a, he movie-ah hian a hming pangngai tho a hmang a ni.
Treple-X thar berah hian a changtute an hraw hlawm hle a, tunlai football khawvela lar ber pawl Neymar chu he film-ah hian NSA agent Augustus Eugene Gibbons (Samuel L.Jackson) nen an lang hmasa ber a, Neymar hi a tawpah a lang leh a, Vin Diesel-a hnenah "Kan in hmu leh vat dawn nia, X" tiin a tawp a khar nghe nghe.
He film-ah hian Vin Diesel, Donnie Yen, Indian actress Deepika leh Toni Jaa-te an tel a, UFC fighter Michael Bisping pawh Hawk-ah a tang a ni. Ice Cube pawh rawn langin he film tawp dawnah hian a rawn chetha leh hle.
Vin Diesel, Ice Cube leh Neymar-te hi Treple-X an ni a, XXX movie hi an tichhuak leh a nih chuan Neymar hi a changtupa berah a chang lovang tih a sawi theih loh.
He film-ah hian Neymar leh NSA agent Gibbons-te chu lang hmasa berin, zing dar 7:30 a ni a, Treple-X Neymar-a chuan restaurant-ah thil a lo ei mek a, Gibbons hi rawn kalin Neymar chu inbiakna a neihpui a, mission hautak zet hmachhawn turin a sawm a ni.
Gibbons hian Neymar chu misual, satelite hmanga bomb ti puaka mipui thlabara siam thintute tuk dawl turin a sawm a ni. Gibbons chuan, "Sipaite hi indona a hmelma bei tur a chher an ni a, an pute thu thu a awm tura tih an ni bawk. Keini chu indona hmun a nite kan ni ve lova, dinhmun hlauhawm a ding sa kan ni ka thian. Khawvel hian nangni hi a mamawh che u a ni, X, "tiin a sawm a
Neymar chuan, "kei chu 'hero' ka ni velo, footballer mai a lawm ka nih, "tiin a chhang thung.
Ziah dawn chuan ziah tur a tam a, a movie enin a chiang ber mai awm e. Tunah hian site hrang hrang atangin download tur a awm tawh a, he movie hi a hmuhnawm hle a, Neymar pawh a zei khawp mai.
A hnuaiah hian Neymar-a scene en theihna tur link kan rawn dah a, a chevel pawh a hmuhnawm khawp mai.