Ni 20.8.2018 hian WWE event nghahhlelhawm tak Summerslam a chhuak leh dawn a, India ram atang chuan Sony Ten 1 channel atangin zing dar 4:30 am atang a en theih ang. Match ropui tak tak hmuh tur a awm nual ang.
Main event-ah Lesnar leh Roman Reigns an intum dawn a, wrestler pahnihte hi an lo inhmachhawn tawh thin a, Brock Lesnar-a hian Roman Reigns-a hi a lo hneh tawh thin bawk. An intum hnuhnun berah erawh thir hung chhungah an inbei a, hetah hian pawna chhuak hmasa zawk chu chaka puan an ni dawn a, hemi tum hian Reigns-a hian thir hung chhe vek khawpin pawnah a finishing move lar tak spear hmangin a su chhuaka, referee hmuh dan atangin Lesnar-a taksa in lei a khawih hmasak miau avangin chakah puan a ni a, champion a ni zui ta bawk.
Hemi hnu hian champion cho tura zawnna ah MMA fighter hlui Bobby lashley a hneh ta hlauh maia, champion cho leh thei dinhmunah a awm ta a ni. Mipui nghahhlelh tak a ni bawka, Summer slam-ah wrestler tha zawk a hriat theih anga, WWE Universal title an inchuh ang.
WWE Championship match a awm dawn bawka, AJ Styles leh Samoa Joe an inbei bawk ang. Hmeichhe lamah Raw Womens Champion Alexa Bliss-i chuan a title humhim a tum dawn a, MMA champion hlui Ronda Rousey-i lakah fiahna hautak a hmachhawn dawn a ni. Smackdown Women's Championship hmuh tur a awm dawn bawka, champion lai Carmella-i chuan Charlotte Flair leh Becky Lynch te a hmachhawn thung ang.
Intercontinental championship-ah Dolph Ziggler leh Seth Rollins an intum dawn a, wrestler pahnihte hi world champion tawh ve ve an ni a, match ropui tak tura rin niin; mipui lam pawhin an nghakhlel tawh hle. U.S title inchuhna turah wrestling lama tawnhriat ngah pahnih Shinsuke Nakamura leh Jeff Hardy an intum leh zel tur hian WWE fans tam tak a tiphur zuala, champion lai Nakamura-a tan fiahna hautak tak a ni dawn chiang. Hei mai bakah Kevin Owens leh Braun Strowman an inbei dawn bawka, Owens-a hian hnehna a chang anih hlauh chuan Mr.Money in the Bank ani thei dawn a, champion lai a duh duh hunah a tum thei dawn a ni. Hemi lo pawh hmuhnawm tak tak a awm nual ang.
Matches-
Brock Lesnar(Champion) vs Roman Reigns- WWE Universal Championship
AJ Styles(Champion) vs Samoa Joe- WWE Championship
Alexa Bliss(Champion) vs Ronda Rousey- Raw Women's Championship
Carmella(Champion) vs Becky Lynch and Charlotte Flair( Triple Threat Match for Smackdown Women's Championship)
Dolph Ziggler(Champion) vs Seth Rollins- Intercontinental Championship
Shinsuke Nakamura(Champion) vs Jeff Hardy- U.S Championship
The B.Team(C) vs The Revival
The Bludgeon Brothers(C) vs The New Day
Kevin Owens vs Braun Strowman
Cedric Alexander vs Drew Gulak( Cruserweight Championship)
Finn Balor vs Baron Corbin
Rusev and Lana vs Zelina Lega and Andrade Cien Allmas
The Miz vs Daniel Bryan