Ni 29.1.2018 (Monday) hian WWE event hmuhnawm tak royal rumble a chhuak leh dawn. Kick off hi zing 3:30 AM-ah a chhuak tan ang a, match pahnih emaw pakhat emaw vel a chhuah rin a ni. Zing dar 5:30 AM atangin royal rumble match pangaiin a chhunzawm ang. India ramah chuan Sony Ten 1 leh Ten 3 ah live-in pek chhuak a ni dawn. Royal Rumble history-a a vawikhatna ni turin Women's 30 Rumble match a awm dawn bawk. Hei vang hian entu an tam phah hle rin a ni nghe nghe.

Tag team championship

Raw leh Smackdown Tag Team championship hi a nghahhlelh awm tawh hle, WWE champion lo ni tawhte pawh an inlan dawn. Raw lamah champion lai Seth Rollins leh Jason Jordan te chuan Sheamus leh Cesaro-te lakah an title humhim an tum dawn a, match hmuhnawm tak a nih ngei rin a ni. Smackdown lamah erawh 'The Usos' ten fiahna hautak tak an paltlang ve thung ang. Chad Gable leh Shelton Benjamin tangkawp an hmachhawn thung dawn a, champion lai belt chhuhsak thei tura rin kai zing ami an ni. An match tur hi 2 out of 3 falls a ni dawn a, WWE match-ah chuan mipuite hmuhnawm tih chi tak a ni bawk.

WWE Championship

WWE Championship match hi handicap match a ni dawn a, handicap tih hian champion lai hian mi pahnih a hmachhawn dawn tihna a ni. Title inchuhnaah erawh a thleng khat hle thung. Styles-a hmachhawn tur Kevin Owens leh Sammy Zayn te hi superstar naran an ni hauh lo. Sammy Zayn hi NXT champion thin a ni a, Kevin Owens erawh WWE Universal Champion te pawh a lo ni tawh thin. WWE-a a luh hma atang tawha khawvela wrestler tha ber zinga chhal Aj Styles tan fiahna hautak tak paltlang ngei a ngai ang.

WWE Universal Title

Brock Lesnar vs Braun Strowman vs Kane intum tur hi match hmuhnawm ber tura ngai an awm nawk mai. WWE ratings nasa taka a tlakhniam hnua rating sang taka rawn dah leh theitu zingah Lesnar hi ngaih a ni. Chutih laiin mipuite hmuhnawm tih turin Braun Strowman match a boring ngai lo thung. WWE pay per view-ah Strowman leh Lesnar te hi an lo in hmachhawn tawh thin a, wrestling hmuhnawm takah Lesnar-a'n hnehna a chang hram. Royal Rumble-ah erawh champion a nih theihna a sang hle thung. Chutih laiin 'The Big Red Machine ' Kane-a'n champion nih a tumruh hle. Vawi tam tak champion te pawh a lo ni tawh thin a, title chhuhsak thei turin tawnhriat a nei tha hle bawk. Champion lai Brock Lesnar-a'n title a humhim dawn em! Strowman emaw Kane emaw hian champion title hi an chhuhsak ang em! Royal Rumble event-ah a hriat theih chauh ang.

Women's 30 match Royal Rumble

December ni 18, 2017-a Smackdown event-ah khan Stephanie McMahon chuan a hmasa ber ni turin Women's Royal Rumble match a awm dawn thu a puang. An zinga a chak ber hian Wrestlemania 34 lo awm turah champion a hmachhawn ang. He match lo awm turah hian chak tur zinga beiseiawm tak Paige a inhliam hlauh a, a tel thei dawn ta lo a ni. Chutih laiin NXT atangin Liv Morgan, Sarah Logan leh Ruby Riott te an inlan dawn a, mipui tam takin an en chak phah hle. Superstar langsar zingah Nia Jax, Alicia Fox, Dana Broke, Naomi, Carmella, Lana leh Tamina te'n an tel tur thu an puang bawk.

Royal Rumble 30 man match

Match nghahhlelh awm tawh tak a ni a, WWE fans lam pawh an phur tawh hle. Khawvel Wrestler tha ber ber inlanna tur a nih angin a hmuhnawm lo thei lo. Kumin Royal Rumble-ah hian WWE Superstar comeback a awm thut thei a, mipui tam tak en chak chhante pawh a ni a tih theih ang. Royal Rumble-a chak hian Wrestlemania 34 lo awm tura Raw leh Smackdown brand Title holder an duh zawk an hmachhawn ang.

Matches :

Royal Rumble match 30-man Royal Rumble match for a world championship match at WrestleMania 34.

Women's Royal Rumble match 30-woman Royal Rumble match for a women's championship match at WrestleMania 34.

Brock Lesnar (c) (with Paul Heyman) vs. Braun Strowmanvs. Kane Triple Threat match for the WWE Universal Championship

Styles vs Kevin Owens and Sami Zayn Handicap match for the WWE Championship

Seth Rollins and Jason Jordan (c) vs. Cesaro and Sheamus Tag team match for the WWE Raw Tag Team Championship

The Usos (Jey and Jimmy Uso) (c) vs. Chad Gable and Shelton Benjamin 2-out-of-3-falls match for the WWE SmackDown Tag Team Championship