Tun thawhtanni khan Columbus, Ohio-ah WWE pay per view Fastlane a chhuak. Match langsar zualah AJ Styles leh Charlotte Flair te chuan title an humhim a, Randy Orton chu U.S Champion thar a ni bawk.
Match hmasa berah Tye Dillinger leh Breezango tangdun chuan Mojo Rawley, Chad Gable leh Shelton Benjamin tangdun chu an hneh. Match hmuhnawm takah Shinsuke Nakamura chuan Rusev chu pinfall in a hneh bawk.
Main card: Randy Orton def. Bobby Roode(c) via pinfall (U.S Championship)
WWE fans lamin an nghakhlel tawh a, an beisei ang ngeiin match hmuhnawm tak a ni chiang e. Orton hian kum 17 chhunga(Universal Title tiam lovin) a career bika a title la kawlloh awm chhun chu Bobby Roode atangin a chhuhsak. A hmunah hian mipui thawm a ring tha a, WWE champion hlui Randy Orton pawh a duh ang ngawt chuan a che thei bik lo. Rei tak an intum hnuah Roode-an ring chung atanga a rawn zuan chu nalh tak maiin Orton-an a R.K.O hlauh mai, pinfall hmangin hnehna a chang zui bawk.
The Usos(c) vs The New Day (No contest)
Mipui lamin an nghakhlel tawh, wrestling match hmuhnawm lutuk anih ngei rin a ni, beisei ang ngeiin match pawh a ropui e. Tag team tawnhriat ngah pahnih intum a nih angin boruak pawh a sosang hle. Match kaltluan laiin 'The Bludgeon Brothers'-an lo inrawlh ta tlat mai, team pahnihte hi an rawn sawisa zui a, chak zawk awm lovin 'The Usos' te chuan an title an humhim thung.
Natalya and Carmella def. Naomi and Becky Lynch
Tag team match hmuhnawm takah Carmella leh Natalya tangdun chuan Naomi leh Becky Lynch te chu pinfall in an hneh. Match an neih chhung hian 'Miss Money in the Bank' Carmella-i chu a che hmuhnawm hle bawk. Chutih laiin WWE Women Champion hlui Naomi pawhin wrestling hmuhnawm tak a lantir nawn leh. Match rei tak an khelh hnuin Carmella-i chuan Becky Lynch chu nalh zetin a kick a, pinfall hmangin a'n chak zui bawk.
*Charlotte Flair-(c) def. Ruby Riott
Women's Champion Charlotte pawhin a title a humhim. He match hmuhnawm takah hian Ruby Riott-i thiante an inrawlh leh thin a, referee erawhin a hmu lawk thei lo thung. Match a rei deuh a, referee- in an inrawlh ngei nia a hriat tak avangin kalbo turin thupek a pe, hreh tak chungin an kal sawn a ngai ta. Ruby Riott-i a che buai, title chhuhsak ngei tumin a bei nasa, tawnhriat ngah zawk 'Charlotte Flair'-in nalh takin submission hmangin hnehna a chang ta thung a ni. Match zawh velah hian Japanese Hmeichhe Wrestler Asuka-i a lo chhuak nghal a, Wrestlemania sign chu a kawk zui nghal, Royal Rumble winner anih angin Charlotte Flair nen an intum ngei dawn a nih hmel. Match ropui tak a va ni dawn em!
WWE Championship-(Aj Styles def. Baron Corbin, Sami Zayn, Kevin Owens,John Cena and Dolph Ziggler)
Main event anih ang ngeiin beiseina a sang a, match hmuhnawm tak a ni chiang e. Champion lai Aj Styles-an a title humhim leh ngei a tum, match tantirh lamah phei chuan a che tha hle. Match a rei deuh takah chuan pawn lamah an inkhawih leh mawp mawp a, WWE Superstar John Cena chuan AJ Styles chu a finishing move 'Attitude Adjustment' hmangin a paih thlu, Superstar dangte erawh ring chhungah an inkhawih leh mawp mawp thung. He match hmuhnawm takah hian Kevin Owens chu chak tawh tura a lan laiin 'Shane Mcmahon' a inrawlh, hetia a tih chhan hi Owens hian tihpalh thil thua a pet vang a tih theih ang. A tawpah erawh A.J Styles chuan nalh tak maiin Kevin Owens chu phenomenal forearm hmangin a tlawm a, chak zawkah puan zui a ni bawk.