Brazil superstar Neymar chuan Russia-a hlawhtlinna chan a duh takzet tih a sawi a, World Cup trophy chu Brazil ta tur a nih thu a sawi a ni.
(adsbygoogle = window.adsbygoogle || []).push({});
Paris Saint-Germain forward kum 26 mi hi a hliam a rawn dam chho mek a, thla khat hnu lawka khelh tawh tur Russia World Cup-ah tal nat a tum hle.
Neymar chuan Brazil chu 2002 hnua an World Cup title hmasa berna turin theihtawp chhuahpui a tum.
"Min chawkphur ber tu chu football khelh hi a ni. Field chhunga awm hi ka hlimna ber a ni," tiin Desimpedidos a hrilh.
"World Cup hi khawvela championship lian ber leh ropui ber a ni. Khelh ve ka duh takzet a, champion nih ka duh. World Cup hi Brazil ta tur a ni," tiin a sawi.
Tite-a naute hi Group E-ah awmim Switzerland , Costa Rica leh Serbia te nen an awm. June 17 khian first match an khel dawn a ni.
Febuary-a inhliam tawh Neymar chuan thatlam a pan zel tih a sawi a: "Ball nen training ka nei leh tan tawh. Hma ka sawn zel a, ka lawm hle a ni.
"Hlauhna chu ka la nei deuh a, mahse ka rawn kir leh tep tawh a ni," tiin a sawi bawk.