Wolves chuan Celta Vigo atangin Attacking midfielder kum 21 mi Fer Lopez an la lut a, a man hi £19m nia report a ni.

Kum 21 mi ke veilam hmang thiam hian Molineux Stadium-a kum 5 daih contract a ziak. Lopez hian nikum October thla khan senior debut a khel a, season liamta khan Spanish club tan hian game 20 a khel a ni.

"Premier League-a inkhelh theihna hun tha ka nei ve hi ka lawm khawp mai. Kan manager Vitor hian Wolves squad-ah hmun ka chan tur thu min hrilh a, ngaihtuah nawn ngaiin ka hre lem lo.

"Vitor-a'n a enkawl hnu khan Wolves hian hma nasa takin an sawn a, a hnuaia ka khel ve thei tur hi ka phur em em a ni," tiin Fer Lovez chuan a sawi.

Kum 2018 khan Lopez hi Suffolk-ah a kal thin a, Norwich City Academy-ah football a zir thin a, kum 10 mi a nihin Celta Vigo academy a zawm ta a ni.

Season liamta khan Celta Vigo chu La Liga-ah 7-na a nihpui a. "Bernabeu-ah vawi 2 ka khel tawh a, Barcelona leh Atletico Madrid te pawh ka hmachhawn tawh bawk.

"Stadium boruak a ropui khawp mai, England-ah pawh khatiang boruak ropui kha tawn leh ka duh a ni," tiin Lopez chuan a sawi bawk.

Manchester United chuan £62.5m-in Matheus Cunha an lak sak a, left-back Rayan Ait-Nouri pawh Man City-in £31m-in an lei sak bawk a, Wolves chuan squad thawmthat tumin hma an la chho mek zel a ni.