West Ham United chuan Bayern Munich defender Noussair Mazraoui lak tumin hma an la a, an la lut tep tawh niin The Athletic chuan a tarlang.

Hammers hian mimal thilah Morocco international hi inremna an la neihpui chiah lo deuh.

Manchester United pawhin kum 6 mi hi an ngaihven a, mahse West Ham chuan an hmakhalh dawn ta a nih hmel.

United hian Aaron Wan-Bissaka thehchhuah an tum a, West Ham lamin ngaihven mah se, kum 26 mi hian a hnar a, Inter Milan chuan ngaihven ve chhunzawmin, United-ah kum 2025 June thla thleng contract a nei a, a contract zawh hun an nghak dawn a ni maithei bawk.

Noussair Mazraoui hian season liamta khan hliam an nei nual a, Bayern Munich tan vawi 29 a inlan. Bayern FC hian Joshua Kimmich chu right back atan an chhawr ngun zawk a, hei vang hian Mazraoui hian inkhelhna hmun a chan tam loh phah ta a ni.

Hammers lam hian right back an nei tam lo a, academy chhuak Ben Johnson chu free agent-in a chhuak tawh bawk.

Johnson hian contract thar an zawrh chu a hnar a, Premier League-a kai thar Ipswich Town a zawm ta zawk a ni.