West Ham United chuan Manchester United aṭangin Jesse Lingard lakluh an la duh chhunzawm zel a, hlawhtlin tawh ngei tumin hma an la dawn.

Hammers manager David Moyes chuan season hmasaa an hawh Lingard hi a ngheta lakluh a duh a, June thla hian a contract neihlai a tawp dawn avangin a thlawna lakluh theih an in beisei.

London club hian ṭum hnih lai a nghet a lakluh an tum tawh a an la hlawhtling thei lo.

Kum 29 mi hian a chunga Manchester United khawsak danah vui vaina a ngah hle a, Red Devils hi Erik ten Hag hnuaiah awm tawh dawn mahse chhuahsan a duhna a reh chuang lo.

Season liamta khan Premier League-ah vawihnih chiah inkhel bul a ṭan pha a, Old Trafford-a a game hnuhnung ber ni thei turah pawh Ralf Rangnick chuan a chhawr lo bawk.

Kum sarih mi anih aṭanga a chenchilh tawh club hian tun season-a an game hnuhnung paliah pawh vawikhat mah an khelhtir lo bawk a ni.