Tun season Premier League top 4 nih inchuhna a hmuhnawm chho dawn hle mai. Manchester City leh Liverpool te chu champion tumin an inum a, United, Spurs, Arsenal leh Chelsea ten top 4 an inchuh dawn niin a lang.

Care taker Ole Gunnar Solskjaer chu United-in manager puitling atan an lalut, chumi hnua an game hmasa berah 2-1 in Old Trafford-ah Watford an hneh a. United tan Rashford leh Martial ten goal an khung a, Clean sheet neih tum hle mahse hun tawp dawnah Doucouré chuan Watford tan goal khat a khung ve leh khauh.

Rashford chuan Premier League a khelh tir atanga a khelh that ber season a hmang mek a, Premier League season khat chhunga goal 10 khung tlin a la nei lo, Watford an hmachhawn tum hian cool takin tun season-a a goal 10-na a khung ta a ni.

United hian Arsenal, Chelsea leh Spurs te aiin game khata khel tam zawkin; khelh 31 atangin 61 points an hlawhchhuak a, pathumna Spurs nen points inang nei mahse a hniam zawk erawh an ni. United chuan point 1 chiahin Arsenal an tlanpel a, Chelsea lakah erawh point 4-in an fal mek.

Manchester United 2-1 Watford

(Rashford 28', Martial 72') (Doucouré 90')

PLAYER RATINGS

MANCHESTER UNITED: De Gea 8, Young 6, Jones 6, Smalling 7, Shaw 8, Herrera 5, Matic 4, Pogba 4, Mata 5, Rashford 9, Martial 5. Subs: Lingard 6, Pereira 5,

WATFORD: Foster 6, Janmaat 7, Britos 6, Kabasele 6, Masina 5, Hughes 6, Doucoure 8, Capoue 5, Pereyra 6, Deeney 6, Deulofeu 6. Subs: Femenia 7, Success n/a.

First half-a goal hi darkar chanve an khelh tlin hma hreta lut a ni a, Luke Shaw chuan an khingpuite ball chhuhsakin chak takin an half-ah a tlanpui, Rashford-a goal lama a tlan a hmu. Through ball tha zet a pe a, Watford goalkeeper Foster rawn up mahse box pawn atangin cool zetin a pet goal ta a ni.

Second half 72 mins-ah United chuan Martial hmangin goal hnihna an khung a, dinglam atanga Jesse Lingard cross chu Martial chuan goal-ah thailuh a tum, Watford goalkeeper Foster chuan lo dang mahse a man thei lo, he ball per hi chiang takin Martial chuan a pet goal chhunzawm ta a ni.

United-in goal chhuah loh duh hle mahse buai deuh nuai kar atangin Watford tan Abdoulaye Doucouré chuan 90 mins-ah goal khat a khung a, Isaac Success-a ball pek tha tak chu Doucouré hian box chhung atangin a ke dinglamin a chhuih goal ta a ni.

First half-ah United an khel tha, half chance pawh an nei zauh zauh, Martial-a'n pen 8 vel lek atangin hnai set sawtah goal a khung lo, second half tir lamah erawh Watford an khel tha hle a, goal hlauhawm pawh an nei zauh zauh, hetih lai hian United-in goal dang an khung leh tak avangin Watford tan rulh ngaihna a awm ta lo a ni.

United hian inkhelh chhung zawngin ball posession 52% an nei a, shots vawi 8 an neih laiin an mikhualte erawh chuan vawi 20 lai an nei. Shots on target erawh Watford lamin an shot hnem ngaihtuahin an nei tam bik lo, vawi 8 an neih laiin United lamin shots on target vawi 5 an nei.