Vitor Reis man chungchangah Manchester City leh Palmeiras te chu an inrem ta a, a man hi €35million (£29.5m, $35.8m) a ni ang a, hetah hian bonus pawh a tel ang.

Kum 19 mi hian UK a pan nghal dawn a, Manchester City-ah medical a nei dawn niin The Athletic chuan a tarlang.

Vitor Reis hi Real Madrid leh Arsenal te pawhin an ngaihven a, Man City an che chak ber a, Reis leh City te chuan inremna an nei vat. Mahse Palmeiras lam hian Club World Cup khel turin an duh avangin indawrna hi a tluang nghal purh lo. A tawpa tawpah chuan engkim a fel ta a ni.

Reis hi Brazil Under 17 tan a inlan thin a, nikum June thla atang khan Palmeiras senior-ah inlan tanin, game 22 a khel ve tawh a ni. Kum 2022 khan professional contract a ziak a, kum 2025 thleng daih a ziak a ni.