Aston Villa chuan January thla a Newcastle-in lakluh an tum em em, Brazilian defender Diego Carlos chu Sevilla atangin an lalut dawn.

Villa hian Sevilla chu Carlos-a chungchangah hian inremna an neihpui tawh tih an puang a, mimal thilah Villa hian Carlos hi inremna an neihpui theih chuan medical pawh a nei chhunzawn dawn a ni.

Sky Sports chuan Carlos-a manah Villa hian pound maktaduai 26 an thehchhuah niin an tarlang a, Villa lam erawh hi chuan Carlos-a mana an sen zat an puangzar lo.

Season thar atan Villa hi an inbuatsaih mek zel a, Carlos hma hian Boubacar Kamara chu free transfer-in an lo lalut fel tawh bawk.

Carlos-a chungchangah Villa hian Sevilla chu inremna neihpui tawh mah se, an la duhtawk lo niin a lang a, Burnley defender James Tarkowski pawh lakluh tumin hma an la chhunzawm zel a ni.