USAM Sports Award 2018 chu October ni 25, Ningani zan khan Hotel Floria Rooftop Dawrpuiah sem a ni a, sawmbik te leh sport Association hrang hrang hruaitu te an kal kim hle. Award dawngtu an kalkim thei lo a, kallo te erawh an aiawh an chhungten an lak sak.
He hun hi Lalbiakdiki (Bd-i) kaihhruaina hnuaiah hun nuam tak hman a ni a, Jerry Lalrinawma, Mizo Idol, 2018, R.Lalmalsawmi, 2018 Mizo Idol Top 10 leh Rosy K.Remsangpuii te hnen atangin zai mawitak ngaih thlak anih bakah Fit-Inn Studio, Junior & Senior team te lam a hmuhnawmin an thiam hle.
Pu Lallianthuama, President, USAM chuan thusawiin Sport Association hrang hrang hruaitute inpeknaah lawmthu a sawi a, sport lamah mizo hmechhia leh mipa te chher chhuak a, mizo min ti hmingtha tu tam tak chher chhuak a, hnam puanzar chawisang tur a, hmasialtu an ni hi ropui a tih thu a sawi.
Pu C.Laltlanthanga, Secretary, MSSC, chuan Sports Department hrang hrang te tan rualna a vang a USAM Award vawi li na an sem hi lawmawm a tih thu a sawi a, Media lam ten sport lam chanchin an pho chhuah sak thin a vang a lawmawm a tih thu a sawi bawk. Mizo ti hmingtha tu tun hnaiah an awm zel a, kan ram leh hnam ti hmingtha tu ni zel tur leh thlenchin a tang a hmasawn zel turin sports hrang hrang Association hruaitu te tan la zel turin a fuih bawk.
Award dawng tu te:
Best coach lawmman hi Joseph Thansanga, Teakwondo chuan a dawng a, Pu J.Lalhmingliana, Director (Rtd.) Sports & Youth Services Dept. chuan lawmman hi a hlan.
Best Young Female Player lawmman hi Nl Lalremsiami, Hockey chuan a dawng a, Pu Zoliana Royte, Director (Rtd.) Sports & Youth Services Dept. chuan lawmman hi a hlan.
Sports Media Person lawmman hi PC Lala, inkhel.com chuan a dawng a, lawmman hi T. Ramthanmawii, Miss Mizoram 2018 chuan a hlan.
Best Sportsman lawmman hi NT Lalbiakkima, Boxing chuan a dawng a, lawmman hi Pu Vanlalruata, President, Central YMA chuan a hlan.
Best Promoter lawmman hi Pu John-a,GIG Mottor chuan a dawng a, Pu John Tanpuia, Jt.Director, SYS chuan lawmman hi a hlan.
Best Young Male Player lawmman hi Jeremy Lalrinnunga, weightlifting chuan a dawng a, Pu C.Laltlanthanga, Secretary, MSSC chuan lawmman hi a hlan.
Best Sports woman Plauer lawmman hi Nl Lalrwmsiami, Hockey chuan a dawng a, Pu Lalthangpuia Sailo, Commissioner & Secretary, SYS chuan lawmman hi a hlan.
(adsbygoogle = window.adsbygoogle || []).push({});