Liverpool forward Darwin Nunez chu friendly match khel tur Uruguay team atangin a inhnukdawk. 

Uruguay team chuan March ni 24-ah Japan an hmachhawn ang a, March ni 28-ah South Korea an hmachhawn leh ang. 

Heng friendly match pahnih khelh turah hian kum 23 mi Darwin Nunez hi koh a ni a, mahse inhliam avangin Uruguay Football Association leh Liverpool te chuan Darwin a inhnuhdawh thu an puang.

Real Madrid laka si khat faia an chak loh tum khan, Liverpool forward hian a ke rek a ti hliam nia report a ni a.

International break chhungin chawlh hahdamna hun tha a nei thei dawn. Nipui bazar liamta khan Benfica atangin Nunez hian Liverpool a zawm.

English club tan hian a season khatnaah game 33 atangin, goal 14 a khung tawh bakah assist vawi 4 a nei tawh bawk. Nunez thlak nan hian Uruguay chuan Jonathan Rodriguez an ko chhunzawm bawk a ni.