Champions League khel dawn lo mah se Sporting striker Victor Gyökeres chuan Manchester United a ngaihven niin talkSPORT chuan a tarlang.

Manchester United leh Gyökeres te hi sawi zawm an ni mek zel a, hetih lai hian inbiakna engmah a la awm lo thung.

Ruben Amorim chuan a hmatawng thawm chak nan Gyökeres hi a duh hle tih chu a chiang hle, mahse Sporting atang hian an la chhuak thei dawn nge dawn lo tih chu zawhna chhan harsa tak a ni.

Sporting hian Gyökeres-a manah £60million (€70m) vel an phut niin talkSPORT chuan a tarlang a, Gyökeres-a'n United pan a chak deuh nia talkSPORT-in an tarlan avang hian Red Devils supporter te an lawm hle nghe nghe.

Gyökeres hian season liamta khan Sporting tam game 52 atangin goal 54 lai a khung a, Primeira Liga title an la bawk.

Arsenal chuan Gyökeres hi lak tumin hma an la ve mek zel a, Gunners hian Gyökeres bakah hian Leipzig atanga Benjamin Sesko lak an tum bawk.

United chungchanga tun dinhmuna thil chiang chu, Liam Delap kha lak tumin hma an la a, release clause a tam loh avang leh talent tha tak a nih avangin hma pawh an la nasa, mahse Liam khan Chelsea a pan ta zawk.

Mbeumo chuan United pan a duh tih a sawi hnuah, United hotute chuan lei tumin an dawr ve nghal a, £45m bakah add-ons £10m an thehchhuak. Mahse hei hi Brentford chuan an lo hnawl phawt nia report a ni. Indawrna kalpui chhoh zel a ni dawn niin The Athletic chuan a tarlang bawk.