Erik ten Hag chuan a chipui te Manchester United-ah seng luh zel a tum niin a lang mek zel a, tunah pawh Bayern Munich atangin Dutch defender Matthijs de Ligt an dawr mek tih Erik ten Hag chuan a sawi.

Tun nipui bazarah United hian Leny Yoro leh Joshua Zirkzee te an la lut fel tawh. Bayern Munich atanga Matthijs de Ligt an dawr chungchang zawh a ni a, Ten Hag chuan a pha lem lo a, Dutch player eng emaw zat an kawl chungchangah Dutch coach hian, ama duhdan ni bik loin, club duh dan a nih thu a sawi chhuak.

Kum 54 mi hian Tyrell Malacia a lak bakah Weghorst chu loan-in a la a, Ajax lama a player hlui Antony, Martinez leh Onana te pawh an la lut.

Coaching staff zingah Ruud van Nistelrooy leh Rene Hake te a la lut leh a, tun nipui bazarah Dutch forward Zirkzee an la lut a, tunah hian de Ligt an ngaihven leh mek.

"Player lak chungchangah hi chuan, kan duh tlan kan ngaihven a ni mai. De Ligt hi a lo kal dawn nge dawn lo kan la chiang lo deuh.

"Matthijs hi ka mi hriatchian a ni a, ka hnar phal lo. Kum hnih liamta khan lak luh ka lo duh daih tawh, mahse khatih lai kha chuan lak theihin a la awm lo a ni. Ani chungchang pawh hi ka duhthlanna a ni bik lo a, club duhdan a ni zawk e," tiin Erik ten Hag chuan a sawi.