Bryan Mbeumo chuan Brentford leh Tottenham te hnenah Manchester United zawm a duh thu a hrilh niin The Athletic chuan a tarlang.

Mbeumo hian kum 2026 thleng Brentford-ah contract a nei a, hetah hian kum 1 danga pawhsei theihna a la tel.

Kum 26 mi Brentford forward hi Arsenal, Manchester United, Newcastle United leh Tottenham ten lak an duh a, mahse amah berin Man United zawm a duh.

Man United chuan Mbeumo chungchangah Brentford an dawr nual tawh a, an indawrna hmasa berah United chuan  £45million bakah add-ons £10m an thehchhuak a, hei hi Brentford chuan an lo hnawl.

United-in an vawi hnih dawrnaah £55m bakah bonus £7.5m an thehchhuak leh a, hei pawh hi Brentford chuan an lo hnawl leh bawk. Bentford hian Mbeumo hi an hralh dawn a nih chuan, £65m vel tal an phut nia report a ni.

Manchester United hian an dawr nawn leh ngei a rinawm a, inremna pawh an neih thuai rin a ni. Ruben Amorim chuan tun nipui bazarah £62.5m laiin Matheus Cunha an lei tawh.