Manchester United chuan Red Bull Salzburg chu Benjamin Sesko-a chungchangah indawrna an neihpui tan tih Sky Sports chuan a tarlang.

Salzburg hian an striker manah hian pound maktaduai 45 an duh a, United hian Sesko manah hian pound maktaduai 45 an thehchhuak phal dawn em tih erawh a la sawi theih loh.

Slovenia international Sesko hian Salzburg-ah kum li daih lai contract a la neih avangin, Salzburg hian an phalna zat aia tlawmin Sesko hi hralh an tum lo nia sawi a ni.

Season liamta khan Sesko hi a rawn parchhuak tan a, Austrian Bundesliga-ah Salzburg tan hian vawi 12 chiah inkhel bul tan mah se, goal 11 a khung bakah assist 6 a nei bawk.

Sesko hi Chelsea leh Newcastle te nen pawha sawizawm ni viau mah se, Chelsea leh Newcastle te hian an bawhzui tak tak lo niin a lang a, United hian Salzburg hi inremna an neihpui theih chuan, mimal thilah harsatna a awm a rinawm loh a ni.