Manchester United chuan Newcastle goalkeeper Martin Dubravka lakluh an tum niin English chanchinbu te chuan an tarlang.

United hian David de Gea bakah Tom Heaton nei mah se, Heaton hi kum 36 a ni tawh a, United hian third choice keeper atan hman an tum niin a lang.

United hian season hnih liamta chhunga De Gea thachhangdawltu atana an hman Dean Henderson chu, tun nipui khan Nottingham Forest-ah loan-in an chhuah tir a, Dubravka hi De Gea thachhhangdawltu atan lakluh an tum mek a ni.

United hian Dubravka hi loan-a lakluh phawt a, lei zui theihna neih tel an duh a, Newcastle hian keeper dang pathum an la kawl avangin an goalkeeper hi an hralh phal a rinawm a, United hian an lakluh pawh a rinawm viau.

Tun nipui bazarah khan Newcastle hian English goalkeeper Nick Pope an lalut a, Pope hian Dubravka a nekchhuak a, Slovak keeper kum 33 mi hian United zawm duhin, mimal thilah United nen an inrem tawh niin chanchinbu mi te chuan an tarlang a ni.