Barcelona forward hlui Carles Perez chu a sazuah uiin a seh.

Celta Vigo striker, tuna loan-a Aris Thessaloniki tana khel mek Perez hi a ui nen an tei chhuak a, ama ui hian a seh nge? Ui dangin a seh tih hi tarlan a ni chiah lo a, Perez hi damdawi in panpui a ni tiin Marca chuan a tarlang a ni.

Ui hian a zuzu hi a seh bung nge tih pawh kan hre bik lo, chutih laiin a seh na ve thawkhat chu a nih hmel. A bun phei chuan a pawi khawp ang le.

Kum 27 mi Perez hi kar liamta mai khan Conference League qualifier-ah a inlan a, Araz-Nakhchivan a hmachhawn a ni.

Perez hi La Masia chhuak a ni a, Barca senior team tan game 13 a khel ve hman. AS Roma lamah loan-in an kaltir.  

2022-23 season khan Celta Vigo-ah loan-in a khel a, Celta hian a nghetin an lei zui ta a ni.

Spain youth international hi season liamta khan Getafe-ah loan-in a khel a, La Liga leh Copa del Rey-ah Getafe tan game 30 a khel tling a, goal 3 a khung ve.

Spain youth international level-ah game 18 a khel a, senior team-ah erawh koh a ni ve ta lo a ni.