Pathianni zing lo awm tur hian UFC Fight a awm leh dawn a, India ram atang chuan Sony Ten 2 channel-ah zing dar 6:30 am atangin a en theih ang. Main event-ah Kevin Lee leh Al Iaquinta an inbei dawn a, fight hmuh awm tak anih ngei beisei a ni bawk.
Kevin lee leh Al Iaquinta te hi Octagon chhungah an lo insual tawh a, decision-in Al Iaquinta a lo chak tawh. Iaquinta-a hian a fight hnuhnung berah Lightweight Champion Khabib a hnehlo hlauh thung a, Octagon chhunga a insual leh hmasa ber tur atan a inbuatsaih tha hle a, a hmaa ding tur leh a hneh tawh hnu Kevin lee laka tlawm a tumlo hle. Iaquinta-a chuan, " Lee, ka hneh tawh hnu i ni, a ngai ang bawkin ka chak leh dawn tih hi lo hre rawh, " a ti bawk.
Hetih lai hian Kevin Lee erawh chak ngei a inringtawk hle thung. Kevin Lee-a chuan, " Kan insual hmasak nen khan min khaikhin tawh suh. Khatih hunlai ami leh tuna Kevin Lee-a hi a danglam tawh lutuk. UFC main card-a fight thei tawhlo turin ka siam dawn che a, ka sawisa hrep dawn che, " tiin a inhrosa nasa hle.
Kevin Lee-a hian Iaquinta lakah lo tlawm tawh mahse; tunhnai a fight neih atang chuan hmasawnna a nei nasa hle a, Lightweight Champion Khabib hneh tura rinkai ber zinga mi a ni bawk. A tharum chakna hmang tangkaiin a tumpuite a hneh leh mai thin a, UFC event lo awm leh turah pawh hian fiahna hautak a paltlang ngei dawn e.
Fight dang pawh hmuhnawm hle tura ngaih a ni bawk a, tunlai striker tha ber zinga ngaih Edson Barboza a inlan dawn a, lightweight fighter tha Dan Hooker nen an insual ang. Hei mai bakah Rob Font leh Sergio Pettis a insual hmuh tur a awm dawn bawk. Lightweight fighter tha pahnih Jim Miller leh Charles Oliveira insual hmuh tur a awm dawn bawk a, en loh phal chi a ni lovang.
Main Card
Lightweight
Kevin Lee vs Al Iaquinta
Lightweight
Edson Barboza vs Dan Hooker
Bantamweight
Rob Font vs Sergio Pettis
Lightweight
Jim Miller vs Charles Oliveira
Preliminary Card
Welterweight
Zak Ottow vs Dwight Grant
Lightweight
Bobby Green vs Drakkar Klose
Lightweight
Jared Gordon vs Joaquim Silva
Middleweight
Trevor Smith vs Zak Cummings
Middleweight
Gerald Meerschaert vs Jack Hermansson
Featherweight
Dan Ige vs Jordan Griffin