Pathianni zing hian UFC event hmuhnawm tak en tur a awm leh dawn a, India ram atang chuan Sony Six channel-ah zing dar 4:30 am atangin a en theih ang. Main event-ah UFC fighter striker tha ber zinga mi Edson Barboza a inlan dawn a, fighter huhang nei lian tak, Octagon chhunga a inlan apianga a tumpuite knockout hmanga hneh ngei tum thin Justin Gaethje a hmachhawn dawn a, insual hmuhnawm tak anih beiseina a sang viau.
Lightweight fighter rothap Justin Gaethje-a insual aia hmuhnawm hi MMA Fight-ah chuan a awm bik kher awm lo e. UFC debut-ah tawnhriat ngah tawh Michael Johnson knockout hmangin a hneh a, hemi hnu hian Eddie Alvarez leh Dustin Poirier-te lakah a tlawm thung a, a khelh dan hmuhnawm tak avang erawhin mipui lawm a hlawh hle thung. Octagon chhunga a inlan hnuhnung berah round 1 naah James Vick a hnek tlawm thung.
Hetih lai hian a hmachhawn tur Edson Barboza hneh erawh a awlsam dawnlo tih a chiang. Champion hlui Anthony Pettis-a lakah hnehna a lo chang tawh a, fighter rothap tak tak Gilbert Melendez, Paul Felder-te a lo hneh tawh bawk. Octagon chhunga a inlan hnuhnung berah TKO-in Dan Hooker a hneh bawk a, inpawmchilh lova tumpuite striking hmanga hneh ngei duh anih avangin mipui lawm a hlawh hle bawk.
Fight dang pawh hmuhnawm hle tura ngaih a ni bawk a, World Series of Fighting Champion hlui David Branch a inlan dawn a, MMA fans tam tak hip khawm ngei tura rin a ni. Featherweight bout-ah Josh Emmett leh Michael Johnson an insual dawn bawk a, tumpuite hnek tlawm ngei duh an ni bawk nen, insual hmuhnawm tak ni ngei tura beiseina a sang hle. Hmeichhe lamah title challenger hlui Karolina Kowalkiewicz leh Michelle Waterson-te an innuai dawn bawk nen, MMA fans ruhkawl tan phei chuan hmaih phal chi a ni lovang.
Main Card (ESPN)
Weight class
Lightweight
Edson Barbozavs. Justin Gaethje
Middleweight
David Branchvs. Jack Hermansson
Featherweight
Josh Emmett vs. Michael Johnson
Women's Strawweight
Karolina Kowalkiewiczvs. Michelle Waterson
Light Heavyweight
Paul Craig vs. Kennedy Nzechukwu
Featherweight
Sheymon Moraes vs. Sodiq Yusuff
Preliminary Card (ESPN)
Women's Strawweight
Marina Rodriguez vs. Jessica Aguilar
Lightweight
Ross Pearson vs Desmond Green
Featherweight
Enrique Barzola vs. Kevin Aguilar
Middleweight
Kevin Holland vs. Gerald Meerschaert