UFC 279 chu zawh fel a lo ni leh ta a, main event-ah Nate Diaz chakin, co-main event-ah Khamzat Chimaev chuan hnehna a chang bawk.

Main event-ah hian Nate Diaz leh Tony Ferguson te an inhmachhawn a, fighter pahnih te hian an inhmachhawn dawn tih nikhat liamta a an hriat chauh avangin beisei a sang thei lova, fight hmuhnawm tak tia sawi tur a ni lo.

Fight hmuhnawm loh erawh a ni chuang hauh lova, UFC-a huhang ngah fighter pahnih te hi an inhnehtawk viau a, Ferguson hian leg kick hmang nasa mah se, Diaz a zam lo. Round thum chhung inhnehtawk taka an inbeih hnuah, round linaah Diaz chuan guillotine choke hmangin Ferguson hi a submit ta a ni.

Heti hian kum 37 mi Diaz hian UFC-ah contract a nei tawh lova, UFC hian contract thar an zawrh dawn em tih a la sawi theih lova, kum 38 mi Ferguson pawh a tlawm leh tak avangin, a chawlh zui mai a rinawm viau a, sawi theih erawh a awm rih lo.

Co-main event-ah Khamzat Chimaev leh Kevin Holland te an inhmachhawn a, fight rei lo tak a ni. An tan phat atangin Khamzat hian Holland hi take down nghalin, minute hnih chuang hret a bawhbeh hnuah D’Arce choke hmangin Holland hi a submit. Kum 28 mi Khamzat hian heti hian a professional career-ah fight 12 nei tawhin, hnehna a la chang fai vek a, undefeated a ni.

Main card results:

Welterweight   

Nate Diaz             def.        Tony Ferguson  Submission (guillotine choke)     4              2:52       

Catchweight (180 lb)      

Khamzat Chimaev            def.        Kevin Holland     Submission (D'Arce choke)           1              2:13       

Catchweight (180 lb)      

Daniel Rodriguez              def.        Li Jingliang           Decision (split) (29–28, 28–29, 29–28)     3              5:00       

Catchweight (140 lb)      

Irene Aldana      def.        Macy Chiasson  KO (upkick to the body) 3              2:21       

Light Heavyweight         

Johnny Walker  def.        Ion Cuțelaba       Submission (rear-naked choke)  1              4:37