August thla hian UFC 227 neih a ni dawn a, he event-ah hian main event-ah TJ Dillashaw leh Cody Garbrandt te chu bantamweight title an inchuh dawn a, chutih laiin UFC Flyweight Champion Demetrious Johnson leh Henry Cejudo te chuan flyweight title an inchuh dawn bawk. Fighter pahnihte hi co-main event ah an innuai dawn a ni.

Fighter pahnihte hi inbei tura sawirik a awm thin a, tunah erawh mumang ram ni thin kha a tak ramah a chang dawn ta. Champion lai Demetrious Johnson-a hian title fight a neih hnuhnung berah Ray Borg a hneh a, tun dinhmunah UFC champion zinga title humhim zing ber a ni bawk.

UFC 197-ah Johnson-a hian Olympic gold medallist Henry Cejudo-a hi first round zawh hmain technical knockout-in a lo hneh tawh. Nimahsela Henry Cejudo-a hi tun hnaiah hma a sawn hle a, flyweight category zinga top 5 fighter zinga chhiar Wilson Reis-a chu second round zawh hmain a hnek tlawm a, hemi hnu hian UFC 218-ah Sergio Pettis a hneh zui bawk.

Fighter pahnihte hi kum hnih kalta khan an intum tawh ngei mai. An intum hmasak erawhin champion lai Mighty Mouse a chungnung hle a, kum hnih hnua an inbei leh tur erawhin ngaihven a hlawh a, tun hnai bika Cejudo hmasawn zia leh champion thei tur anih zia a hai theih bik awm lo e. Fighter pahnihte inbei tur hi en a chakawm tawh hle a, khawvel mipuiin an thlir chak tawh ngei ang.