Combat sports khawvelin a nghahhleh em em, UFC 226 chu zawh fel a ni a, main-event-ah UFC Light-heavyweight champion Daniel Cormier chanu knock-out hmangin UFC Heavyweight champion Stipe Miocic a hneha, a rualin UFC Light-heavyweight champion leh UFC Heavyweight champion a ni.

Main-event-ah hian Miocic hian DC hi a ngam ang aiin a hnek fuh thei lova, DC erawhin a hnek chhuah chhunah Miocic hi a hnek fuh chiag thin hle. Miocic khan nidang a ang lova, a ngam lutuk nge take-down in ven nan DC kha pressure a pe zawk tih chu ngaihtuah tham tak a ni.

DC hian Miocic hi a mitah a kawm palh a, Miocic a buai rei lo. Hemi hnu rei lo teah an in pawm chilha, Miocic tal chhuak tur chiah chu DC hian a khabe-ah chiang lutukin a hneka, a palian zawk a tlu nghal, Cormier hian hnek zui nghalin, Miocic-a tan tih theih a awm tawh lova, referee-in fight a ti tawp. DC hi a UFC-ah a ruala weight-class pahniha champion thei pahnihna chauh a ni a, a hmasa ber chu Irish Conor Mcgregor a ni. DC hi mi tam tak chuan a weight-class chauh nilo, mixed-martial arts khel tawh zinga thiam ber leh ropui berah an ngai ngei ang.

DC hian an fight zawha, Joe Rogan-a interview laiin UFC Heavyweight champion hlui Brock Lesner ko chhuakin, in fight a duh thu a hrilha, octagon hnaiha thu Brock Lesner hi octagon-ah a rawn luta, DC hi a rawn nem. DC erawhin a ti let lova, “tunah min nem rawh, mahse nakinah ila muhil dawn” tiin a chhang let thunga, DC vs Lesner kumin chhungin kan hmuh ngei hmela, UFC President Dan White pawhin UFC 226 zawh hnu hian he fight hi an thlen tir ngei tur thu a sawi bawk.

Co-main event heavyweight bout-ah Derrick Lewis chuan Francis Ngannou chu unanimous decision-in a hneh a, Ngannou hi a zawnin UFC-ah a chak lo ta a, title fight a beisei leh pawh a bo rih ngei a rinawm.

Fight hmuhnawm tak Mike Perry leh Paul Felder ten khawvel an hluia, thisen pawh a chhuak nasa hle. An in ngama, an inhnehtawk em em a, Perry hian split decision-in Felder lakah hnehna a chang.

Anthony Pettis chuan Michael Chiesa chu second-round tir teah triangle armbar hmangin a hneha, Khalil Rountree chuan Gokhan Saki chu minute khat leh second sawmthum paruk chhung lekah a knock-out bawk.

Main card

Daniel Cormier def. Stipe Miocic via first-round KO (4:33)

Derrick Lewis def. Francis Ngannou via unanimous decision (30-27x3)

Mike Perry def. Paul Felder via split decision (29-28, 28-29 29-28)

Anthony Pettis def. Michael Chiesa via sub (triangle armbar) (2nd, 0:52)

Khalil Rountree Jr. def. Gokhan Saki via first-round KO (1:36)

Undercard

Paulo Costa def. Uriah Hall via second-round TKO (2:38)

Raphael Assuncao def. Rob Font via unanimous decision (30-27 x3)

Drakkar Klose def. Lando Vannata via unanimous decision (30-27 x3)

Curtis Millender def. Max Griffin via unanimous decision (29-28 x3)

Dan Hooker def. Gilbert Burns via first-round TKO (2:28)

Emily Whitmire def. Jamie Moyle via unanimous decision (29-28 x3)