Khawvel mipuiin UFC 223 an nghakhlel tawh. An nghahhlelh chhan ber chu khawvel lightweight fighter tha pahnih Tony Ferguson vs Khabib Nurmagomedov insual a awm dawn avang te pawh a ni awm e. Khawvel mipuiin an thlir chak erawh Ferguson-a inhliam avangin a thleng dawn lo thung.
MMA fans tam tak lungngai taka an awm laiin UFC President Dana White-a'n UFC Featherweight Champion Max Holloway vs Khabib Nurmagomedov a puang erawh MMA fans tan a va lawmawm si em! He fight hi UFC Lightweight title inchuhna a ni nghal bawk ang.
"Hun remchang ka hmaih dawn lo"- Max Holloway
UFC Featherweight Champion Max Holloway chuan fighter hmachhawn a chak ber pawl Khabib a tum tur chu a phur tawh hle niin a sawi. Holloway hian Khabib a hneh a nih ngat chuan title pahnih kawl thei naupang ber record a siam nghal bawk ang. A fight hnuhnung bera Jose Aldo laka title a humhim dan mawlh te kha a va ropui tehlul em!
UFC fighter zingah chuan takedown defense nei tha ber pawla ngaih a ni a, weight lian zawk a hmachhawn tur erawh a phur tawh hle. Featherweight fighter atan chuan a lian hle a, lightweight title a chuh mai tur hi a mak lo. UFC Undefeated Fighter Khabib Nurmagomedov knockout thei hmasa ber a ni lovang tih a sawi theih loh.
"Lightweight Champion ka ni dawn"- Khabib Nurmagomedov
Khawvel fighter piang tawh zingah chuan Khabib Nurmagomedov aia fighter tha an tam vak bik lovang. MMA record-ah hnehtu a la awm lo hian a that zia a ti lang chiang tawk hle. UFC title fight a neihna turah hian fighter rothap tak tak Rafael Dos Anjos, Michael Johnson leh Edson Barboza te lakah hnehna a chang. Heng fighter a hneh takte hi World Champion ni thei tura fighter rothap tak tak zinga chhiar tel an ni.
April ni 7-a UFC 223 lo awm turah pawh champion a nih tur thu Khabib hian a sawi uar hle. Undefeated fighter Khabib hian a wrestling leh ground and pound hmangin hnehna a chang leh mai thin. UFC Featherweight Champion Holloway-a lakah pawh fighter tha a nih zia lantir nawn a tum hle a ni.
Main Card
Lightweight
Max Holloway (c-FTW) vs. Khabib Nurmagomedov
Women's Strawweight
Rose Namajunas (c)vs. Joanna Jędrzejczyk
Featherweight
Renato Moicano vs. Calvin Kattar
Lightweight
Michael Chiesa vs. Anthony Pettis
Lightweight
Al Iaquinta vs. Paul Felder
Preliminary Card (Fox Sports 1)
Women’s Strawweight
Karolina Kowalkiewicz vs. Felice Herrig
Flyweight
Ray Borg vs. Brandon Moreno
Lightweight
Joe Lauzon vs. Chris Gruetzemacher
Lightweight
Evan Dunham vs. Olivier Aubin-Mercier
Preliminary Card (UFC Fight Pass)
Featherweight
Alex Caceres vs. Artem Lobov
Women's Flyweight
Bec Rawlings vs. Ashlee Evans-Smith
Light Heavyweight
Devin Clark vs. Mike Rodriguez
Featherweight
Zabit Magomedsharipov vs. Kyle Bochniak