Europa League quarter final khelh zawh a ni a, English club la dam pahnih Manchester United leh Arsenal te chuan semi-final an lut.
United leh Arsenal-te bakah anni bakah hian Villarreal leh Roma te pawhin semi-final an lut ve bawka, Villarreal hian aggregate-ah 3-1 in Dinamo Zagreb an hneha, Roma hian aggregate-ah 3-2 in Ajax an hneh a ni.
Arsenal hian second leg inkhelah Emirates Stadium-a 1-1 a an lo inhnehtawkpui tawh Czech club Slavia Prague chu Eden Arena-ah an tlawha, si li faiin mikhual tlangnel Arsenal hi an chak.
Arsenal hian tihian aggregate-ah 5-1 in an chaka, nuamsa takin semi final an luta, semi final-ah hian Dinamo Zagreb hneha tlang Villarreal an hmachhawn dawn a ni.
Arsenal hian minute sawm chuang hret khelh a nihin goal an khunga, Bukayo Saka-a’n si ban a pet per rawn let chu Emile Smith Rowe-a’n goal-ah khung mahse, VAR lama endik a nih hnuah Smith Rowe hi a offside-a goal hi pawm a ni lo.
A hnu lawkah Arsenal hian hma an hruai ta tho va, Arsenal player man to ber Nicolas Pepe chuan Arsenal goal hmasa ber hi a khung.
Pepe-a’n goal a khung hnu lawkah Arsenal hian penalty an hlawhchhuak zui leh nghala, Hromada chuan an box-ah Saka titlu in, referee-in Arsenal hi penalty a pe. French striker Alexandre Lacazette chu Arsenal tan rawn pen chhuakin, penalty spot atangin goal a khunga, 2-0 in Arsenal hian hma an hruai.
Minute hnih vel awrh a liam tihin Arsenal hian an goal thumna an khung leh nghala, Saka chuan a ke veilamin hniam teah ball a shoot-a, chiang takin Slavia goal net a puara, si thum faiin London club lamin hma an hruai.
3-0 in first half a tawpa, Arsenal hian an la duh tawk lo. 80mins khelh a nih hma deuhin goal an khung belha, Arsenal hian Slavia hi counter-attack rang takin hmangin an nawr, Saka chuan dinglama awm Pepe ball a pe a, Pepe hian Lacazette pe in, French striker hian goal-ah a lo chan tira, 4-0 in Arsenal hi an chak ta a ni.
Slavia Prague 0-4 Arsenal [agg 1-5]
(Pepe 18’, Lacazette 21’pen, 77’, Saka 24’)
Player Ratings
Slavia Prague: Kolár 5, Bah 6, Holeš 6, Zima 6, Boril 6, Hromada 6, Stanciu 6, Provod 6, Ševcík 6, Olayinka 6, Kuchta 6, Lingr 5, Masopust 5, Tecl N/A, Dorley 5
Arsenal: Leno 6, Chambers 7, Holding 7, Marí 6, Ceballos 6, Xhaka 6, Smith Rowe 9, Partey 6, Saka 8, Pépé 8, Lacazette 8, Soares N/A, Elneny 5, Balogun N/A, Martinelli 6, Nketiah N/A
Manchester United chuan Old Trafford-ah Granada an lo mikhuala, 2-0 in United hi an chaka, first leg-ah pawh United hian 2-0 tho in hnehna an chang tawha, aggregate-ah 4-0 niin, awlsam takin United hian semi final an lut.
Manchester United hian semi-final Ajax hneha tlang, Italian club AS Roma an hmachhawn dawn a ni.
Inkhel an tana, minute nga awrh an khel tihin United hian hma an hruaia, Paul Pogba ball pek tha zet chu Edinson Cavani chuan goal-ah a ke veilamin a lo volley luta, 1-0 in United-in hma an hruai.
Goal khat bak a lut lo renga, 1-0 hian inkhel a tawp mai dawn emaw tih hnuah United hian injury time-ah goal an khung belh; Alex Telles-a cross chu Juan Mata chuan lo tauh tum mahse a head thelha, ball hian Jesus Vallejo perin goal-ah a lut zuia, 2-0 in United hian hnehna an chang ta a ni.
Manchester United 2-0 Granada [agg 4-0]
(Cavani 6’, Vallejo 90+1’ OG)
Player Ratings
Man Utd: De Gea 7; Wan-Bissaka 8*, Lindelof 6, Tuanzebe 7, Telles 7; Fred 6, Matic 7, Pogba 7; Fernandes 7; Greenwood 6, Cavani 7. Subs: van de Beek 6, James 6, Mata 6, Amad 6, Williams 6.
Granada: Rui Silva 6; Foulquier 6, German 6, Vallejo 7, Neva 6; Yangel Herrera 6, Gonalons 6; Kenedy 5, Montoro 6, Machis 6; Soldado 5. Subs: Molina 7, Suarez 6, Puertas 6, Diaz 6, Perez 6.
