Champions League hmuhnawm zia chu fak chawp ngai loa kan hriat sa vek a ni awm e. A khelh hun a tlai thin lutuk erawh a tuka hnawthawh tur nei tan hahthlak deuh mahse football fan ka ni ti ve chin chuan kan hmaih phal ngai lo thung. A tukah Coffee in hnem deuh mah ila, a tuk zanah a ngai te bawkin kan meng leh tang tang thin a nih kha.
TV-ah an live tan a, Advertisement velah 'The Champions' tia an sawi mai UEFA Official Anthem hla an play tawh hi chuan kan mur deuh sung sung thin a nih kha. A dik leh dik loh pawh hre lem lovin kan sak pui ve ang lawng lawng a. A hla thu hria tam tak in awm ngei ang, nimahsela a hre lo hi a tam zawk kan la ni bawk anga, 'The Champions' tih bak hi kan hre thei hlawm meuh lo a ni e.
He hla hi British Musician Tony Britten-a'n kum 1992 August-a a phuah a ni a, George Frideric Händel hla phuah thin dan hmanga a phuah a ni. He hla hi UEFA Official tawng French, German leh English version-in a awm vek a ni.
Keini'n kan hriat thin English version hi London a awm Royal Philharmonic Orchestra-te'n a music an play a, a hla hi Academy of St Martin in the Fields ho sak a ni thung. Champions League Final khelhnaah pawh live-a play thin a ni a, nimahsela Advertisement-in a bawm khah kan TV channel-te hian an live ve lem lo a ni. Andrea Bocelli chuan kum 2009 Final Rome-a khelhah khan a sa a, a chorus hi final thlengtu ram tawngin an sa thin a ni. Hei lo pawh hi vawi tam tak sak a ni tawh bawk.
He hla hi inneihnaah pawh rem a lo ni tawh a. Catalan Neus chuan a pasal Barcelona fan Marcos-a tan an inneihnia play turin Renaissance Choir of Sant Boi de Llobregat ho a lo ruai tawh a ni.
A hnuaiah hian English tawnga lehlin a hla thu kan dah e, Champions League an khelh leh hunah dik tak in i sak pui thei tawh ngei ang.
The Champions.
They are the best teams
They are the best teams
The Main Event
The master
The best
Great teams
The Champions
A big meeting
A great sporting event
The Main Event
They are the best
They are the best
These are the champions
The master
The best
Great teams
The Champions
The master
The best
The Champions