Nizan zanlai khan Bayern Munich leh Barcelona-te chuan tun season-a an UEFA Champions League game hmasa ber khelin an inhmachhawn a, Group E inkhelah hian mikhual lam Bayern Munich chuan hnehna an chang.

Bayern hi Barcelona khelmual Camp Nou-ah 3-0 in an chak a, Polish goal thun khawl Robert Lewandowski chuan goal hnih khungin, Thomas Muller chuan goal khat a khung bawk.

Ball possession-ah inthlau lo hle mahse thil dang zawngah Bayern an chungnung zawk a, Bayern hian shot 17 neiin, shot on target 7 an nei a, Barcelona erawh hi chuan shot 5 bak nei lovin, shot on target an nei miah lo bawk.

First half-ah chance team hnihte atangin sawi tur a tam lo ve ve a, mahse darkar chanve chuang hret khelh a nihin Muller chuan yard 25 vela hla atangin ball a shoot a, Eric Garcia perin goal-ah ball a lut zui a, Bayern hma a hruaipui.

Second half tir lamah Bayern hian goal an khung belh a, Jamal Musiala-a’n goal ban a pet per hnuah Lewandowski chuan ball rawn let hi goal-ah a lo khung a, 2-0 in Bayern-in hma an hruai.

Hun tawp hnaih tawhah lamah Bayarn hian an goal thumna khungin, Serge Gnabry-a’n si ban pet per ve lehin, hemi rawn let bawk hi Lewandowski chuan goal-ah a lo chantir a, a goal hnihna leh Bayern goal thumna ni bawk khungin, 3-0 in Bayern hi an chak ta a ni.

Bayern hian Champions League-ah a zawnin game 23 chhung goal an khung tawh a, an club chanchina a thlen vawi khatna a ni. Barcelona hian sawilan tawh angin Bayern lakah hian shot on target an nei lova, hei hi 2003-04 season atanga statistic an lak hnuah, Champions League inkhela Barcelona-in shot on target an neih loh vawi khatna a ni.

Barcelona 0-3 Bayern Munich

(Muller 34’, Lewandowski 56’, 85’)

Player Ratings