UEFA Champions League Round of 16 second leg khelh tan a ni a, English club Tottenham chu RB Leipzig hneh lovin an tla a, Atalanta chuan Valencia an pet tla bawk.
Tottenham hian first leg-a si khat faia an hneh lo tawh German club Leipzig an tlawha, Leipzig hian si thum faiin London club hi lo hnehin Quarter final an lut.
Leipzig tan hian Marcel Sabitzer chuan goal hnih a khunga, Emil Forsberg chuan goal khat khung bawkin, Leipzig hi aggregate-ah 4-0 in an tlang.
Nikum finalist Tottenham hian an home-ah Leipzig hi si khat faia an hneh loh tawh avangin an phur a rit sa hle a, darkar chanve pawh khelh a nih hma in Sabitzer chuan goal hnih a khunga, Tottenham beiseina a tawp titih nghal.
Minute sawm khelh a nihin Leipzig in hma an hruai nghala, Timo Werner-a shot chu block niin Sabitzer chuan ball a changa, box pawn atanga hla lutuk lo atangin Sabitzer chuan hniam te ah ball a shoot, Spurs goalkeeper Hugo Lloris chuan lo khawih mahse a save zo lova, Leipzig-in hma an hruai.
Goal an khung atanga minute sawm hnu velah Leipzig hian goal an khung belha, veilamah Angelino chuan ball a khalha, Spurs box ah Angelino hian ball cross lutin, Sabitzer chuan mawi takin a lo tauh luta, Spurs tan beiseina a tawp tan hle.
Hun tawp hma deuhin Leipzig hian goal an khung belh leha, Angelino-a cross atangin Leizig hian chance neiin Forsberg chuan goal-ah a lo thuna, 3-0 in Leipzig hian hnehna an chang ta a ni.
RB Leipzig 3-0 Tottenham (agg 4-0)
(Sabitzer 10’, 21’, Forsberg 87’)
Player Ratings
Leipzig: Gulacsi 6, Mukiele 6, Klostermann 7, Upamecano 7, Halstenberg 6, Angelino 8, Laimer 7, Sabitzer 8, Nkunku 6, Schick 6, Werner 7. Subs: Adams 6, Haidara 6, Forsberg 7.
Tottenham: Lloris 5, Aurier 6, Alderweireld 5, Dier 6, Tanganga 5, Sessegnon 5, Winks 5, Lo Celso 5, Lamela 5, Moura 5, Dele 5. Subs: Fernandes 5, Fagan-Walcott n/a.
Inkhel dangah Italian club Atalanta chuan first leg-ah 4-1 laia an lo hneh tawh Valencia an luhkhunga, khula mualah Atalanta hian 4-3 hnehna an changa, aggregate-ah 8-4 in an tlang.
Second leg inkhelah hian goal sarih lai a luta, mual neitu lam Valencia tan Kevin Gameiro chuan goal hnih a khung bakah Ferran Torres chuan goal khat a khung bawk. Atalanta tan hian goal li lutte hi mi pakhat thun vek niin, Josip Ilicic chuan goal li khungin, a goal hmasa pahnih hi penalty spot atanga a khung an ni a, Atalanta hian Quarter final an khel dawn.
Valencia 3-4 Atalanta (agg 4-8)
(Gameiro 21’, 51’, Torres 67’) (Ilicic 3’pen, 43’pen, 71’, 82’)
