UEFA chuan tun season Champions League atangin final khelh hun chu darkar 3-in a sawn hma thu a puang.

Tun season final hi Budapest-ah neih a ni dawn a, kum dangah chuan final hi India sana-ah chuan zanlai dar 12:30-ah ṭan a ni ṭhin a, darkar 3-a sawn hma a nih chuan, zan dar 9:30-ah khelh ṭan a ni tawh dawn a ni.

UEFA, European football’s governing body chuan final khelh hun a sawn hma chhan a sawifiah a, online-a khawvel mipui tam zawkin an en theih nan te, a hmuna ente tan veivahna a awlsam phah zawk dawn bawk. 

Tin, inkhel an zawh hma chuan champion team supporter ten final khelhna khawpuia champion lawmna hun thawl tha tak an neih theih phah dawn bawk a, entu mipui an tam phah an ring a, sum lut pawh a tam phah an ring bawk a ni.

Champions League final khelh hun sawn hma hi a hma pawhin an lo ti tawh a, kum 2010 final kha inrinni zan hma takah an lo khel tawh bawk a ni.

UCL champion lai hi PSG an ni a, zanin hian draw neih a ni dawn a, India sana dar 9:30-ah draw neih ṭan a ni dawn a ni.