Champions League Round of 16 first-leg inkhelah Liverpool chuan Anfield-ah German champions Bayern Munich an lo mikhuala, goal awm lovin team hnihte an inhnehtawk.
Liverpool hi an player pawimawh Virgil Van Dijk tello in an khel a, chuti chuang chuang Bayern lakah goal an chhuah lo. Liverpool boss Jurgen Klopp chuan 4-3-3 formation hmangin Mohamed Salah, Roberto Firmino leh Sadio Mane-te chu hmatawngah dah an ni a, Joel Matip leh Fabinho-te chu centre back-ah an khel.
Bayern Munich boss Niko Kovac chuan 4-2-3-1 formation hmangin, hmatawngah Poland captain Robert Lewandowski maltlat tir niin, a hnungah James Rodriguez a awm a, a sirah Kingsley Coman leh Gnabry-te dah an ni thung. Bayern tan Arjen Robben, Thomas Muller leh Jerome Boateng-te an inkhel thei lo.
Liverpool 0-0 Bayern Munich
PLAYER RATINGS
Liverpool :Alisson 7, Alexander-Arnold 6, Matip 6, Fabinho 9, Robertson 5, Wijnaldum 5, Henderson 7, Keita 4, Mane 5, Salah 5, Firmino 5. Subs: Milner n/a, Origi n/a.
Bayern:Neuer 6, Sule 8, Hummels 9, Thiago 5, Martinez 5, Lewandowski 4, Rodriguez 6, Gnabry 8, Alaba 5, Coman 8, Kimmich 9. Subs: Ribery n/a, Sanches n/a, Rafinha n/a.
Match Report
Inkhel tan a ni a, 23mins-ah Liverpool in goal khungna hun tha an nei. Sule-a’n Mane chu corner flag bulah ti tlu in Liverpool hian freekick an hlawhchhuaka, freekick hi Trent Alexander-Arnold chuan la in, box chhungah ball vawrh luh a ni a, mahse ball hi box pawnah a rawn chhuak lehnghal a, cross luh leh niin Salah chuan lo tauh mahse a goal lo. Salah chance atanga minute sawm vel a ralin Naby Keita shot chu Sule chuan a lo dang pera, hemi hi Mane chuan lo pet zui mahse, Bayern keeper Manuel Neuer a buai lem lo. Half time hma deuh lawkin Matip chuan chance tha tak a hlah bawk. First half-ah Bayern lamin chance hlauhawm an nei lutuk lova, Van Dijk-a ai awhtu Fabinho a khel tha hle. First half-ah hian Liverpool goalkeeper manto Alisson Becker chuan tisualin, a goal phah lo erawh Reds an vannei hle.
Second half-ah pawh Bayern lam hian Van Dijk awm loh an chhawr tangkai thei chuang lova, mahse an defender Mats Hummels a khel tha ve hle bawk. Darkar khat vel khelh a nihin Gnanry chuan 25 yards vel atangin ball chu Liverpool goal-ah a pet a, a goal teuh angreng hle. Hun tawp hma deuhin lawkin, Mane chuan chance a miss leh bawk. Klopp chuan an muala chak ngei tumin goal khung an tum hle a, James Milner leh Divock Origi-te chu second half –ah dah lut mahse goal khung thei an awm lova, Bayern pawhin away goal an nei lo. Inkhel hi goal lut awm lovin tihtawp a ni a, Munich lama chinfel a ni ang.