Tun kar Champions League match-ah English club te chuan an khingpui an hneh vek. 

Nilaini zan khan Liverpool chuan si khat faiin RB Leipzig an hneh a, goal awmchhun hi minute 27-a Darwin Nunez khung a ni.

Manchester City chuan 5-0 laiin Sparta Prague an sawp. He match-ah hian Erling Haaland chuan goal hnih a khung a, Foden leh Stones te chuan goal khat ve ve khungin, Nunes chuan penalty atangin goal khat a khung ve bawk.

Thawhlehni zan khan Arsenal pawhin si khat faiin Shakhtar Donetsk an hneh a, goal awmchhun hi own goal niin, minute 29-ah Riznyk chuan an lamah a tilut.

Aston Villa pawh tun season Champions League-a an match thumah hnehna an chang vek a, si hnih faiin thawhlehni zan khan Bologna an hneh. Villa tan McGinn leh Duran ten goal an khung a ni.

Spanish club lian pahnih an chak ve ve bawk a, thawhlehni zan khan Borussia Dortmund chuan Real Madrid an luhkhung. First half-ah si hnih faiin Dortmund-in hma an hruai.

Second half-ah Real Madrid chuan goal 5 lai an khung. Vinicius Jr chuan hattrick siamin, Rudiger leh Vazquez te chuan goal khat ve ve an khung bawk.

Nilaini zan khan Barcelona chuan 4-1 in Bayern Munich an hneh ve bawk a, Barca tan Raphinha chuan hattrick a siam a, Lewandowski chuan goal khat a khung bawk. Bayern Munich tan Kane chuan goal khat a khung ve bawk a ni.

Champions League game thum khelh a ni ta a, Unai Emery leh a hote chuan league hma an hruai. Liverpool leh Manchester City te chuan Villa hi an dawt a ni.