Uber Cup aṭangin India an tla

13th May 2022, 03:05PM

India chuan Uber Cup-a an zinkawng an zawh tawp ta a, quarter-final-ah 3-0 in Thailand an hneh lo.

ndia tan hian PV Sindhu chuan Ratchanok Intanon hmachhawnin hnehna a chang zo lova, 21-18, 17-21, 12-21 in world number eight lakah hian a tlawm.

Double Olympic medalist Sindhu hian game 11-ah Itanon hi hmachhawn tawhin game liah chiah hnehna ala chang.

Inkhel dangah Shruti Mishra leh Simran Singhi ṭangdun chuan 16-21, 13-21 in Jongkolphan Kititharakul leh Rawinda Prajongjai inkawp an hneh lo ve bawk.

Singles lamah Aakarshi Kashyap chuan Sindhu ang bawkin hnehloh a tawng a, 16-21, 11-21 in Chochuwong lakah a tlawm.

Mipa khelh Thomas Cup-ah India an kaltluang thung a semi-final an lut. India hian quarter-final-ah 3-2 in Malaysia an hneh a, semi-final chinin medal an lak dawn avangin kum 1979 hnuah India-in Thomas Cup medal an la leh dawn ta a ni.

Copyright © inkhel.com 2022. All rights reserved.