UFC en thinte chuan Brittney Palmer hi tu nge a nih kan hre theuh anga, UFC octagon girl niin, a chhiat loh em avang leh a zei em avangin a lar hle.

Brittney hi ring girl/octagon girl a nih bakah model a ni bawka, mahse kan hriat lar berna erawh UFC atangin a ni a tih loh theih loh.

Brittney hi UFC octagon girl-te zingah chuan tunlaia lar ber zinga mi a ni a, an zinga chhelo ber ti tu pawh mi tam tak an nih a rinawma, kum 2012 leh kum 2013-ah te khan World MMA Awards-ah Ringcard Girl of the Year lawmman a lo dawng tawh.

Brittney hi American a ni a, kum 1987 June thla ni 24 khan San Diego, California-ah piangin tunah hian kum 32 mi a ni meka, kum 2005 atang khan octagon girl a lo ni tawh a, UFC chauh lo pawh promotion dangah pawh a inlan fo tawh.

5ft 6’-a sang Brittney hi kum 2012 khan American magazine lar tak Playboy-ah a inlana, March thla cover-ah a lang. Brittney hma hian Playboy magazine-ah hian ring girl pahnih chiah an la inlan theia, Rachelle Leah leh Arianny Celeste te an ni.