Kum hnih Pandemic avangin The International Dota 2 Championship huaihawt a nih theih loh hnuah October ni 12, 2021 khan TI 10 Main Event chu Arena Nationala Bucharest, Romania-ah tan a ni leh ta a. Covid-19 vangin Fans leh Audience neih phal ni lo mahse Stage khuh hawn nan Opening montage display tawite neiin Musician lar tak Pianist JJ Lin, Platinum-Selling Electronic Artist Violinist Lindsey Sterling leh DJ Darude ten Dota theme music mawi takin an rawn rem a, TI 10 Main Event an rawn hawng.
Montage Opening neih zawhah hian TI 10-a inel tur team leh player-te an rawn inlan a. Hemi zawh hian Valve Corpotation neitupa Gabe Newell rawn langin thuchah tawi a rawn nei zuai, a tawp berah player ten Aegis of Immortality Shield Trophy inhlan chhawngin Champion lai OG ten trophy chu inchuh theih turin a hunna turah an rawn nghat.
Hun rei la lovin Main Event Double Elimination Upper Braket khelh tan nghal a ni a. Match Hmasa berah Group A leader Invictus Gaming leh Team Spirit ten BO3 an khel tan nghal. Game 1 ah Team Spirit ten Underdogs mah nise an thiam zia rawn pho chhuakin Yotoro hmangin Rampage ropui tak nen an rawn khar. Invictus Gaming lam ten tihsual an nei tih inhriain an tihsualnaah tluk nawn an tum lo, Game 2 leh 3 an la tlang nghal. Heti hian a chak lo zawk team-te hi Lower Bracket-ah an tla thla a, a chak zawk IG ten TI 10 Top 6 dinhmun a chhe berah an hauh chiang ta a ni.
Match 2 ah Group B runner up Team secret leh Champion lai OG ten Upper Bracket an khel chhunzawm ve leh nghal a. Morphling Earth Shaker Combo hmangin Team Secret-in hnehsawh takin Game 1 an lak hnuah a aia awlsawm zawkin Game 2 an la leh a, TI 10 ah Top 6 an secure ve bawk.
Match 3 Lower Bracket Round 1 match-ah South East Asia Team Fnatic leh North American Team Undying te an inhmachhawn a. Lower Bracket first round hi Best of One-a khelh niin a chak lo zawk an haw dawn avangin Team leh Player-te an tangin game a hmuhnawm hle. A tawpah Hero Draft leh combination nei tha zawk Fnatic ten hnehna changin Undying te chuan TI 10 an mangtha ta a ni. Undying-te hi Main Event TI 10-a tla hmasa ber niin 13-16na dinhmun hauhin USD 600,300 an hawn dawn a, India Rupee-a chantir chuan Rs 4,53,07,222.29/- lai a ni.
Match 4-ah North American Team Quincy Crew te leh Chinese Team Aster te an in hmachhawn ve leh a. Hei hi Lower Bracket Match tho niin a chak lo zawk an tla dawn, hei vang hian team hnihte an tang hle. Rei tak Qyincy crew-ten base an ven hnuah Rat Dota hmangin Team Aster-te rawn lehthalin hnehna an chang ta a ni. Heti hian Team Aster-te hi TI 10 Maint event-a tla hmasa ber dawttu niin 13-16na dinhmun hauhin USD $ 600,300 an hawn ve bawk dawn a ni.
Main Event Match 5 hi Lower Bracket Game Knock Out tho niin South American beiseina tawp ber Beast Coast leh TI 3 Champion Alliance ten Best of One Game an khel ve leh a. Laning Phase dangdai tak Beast Coast lamin an rawn khel, an hneh lo viau dawn emaw tih hnuah TI 10 khel tura an tlin tawk zia rawn pholangin an zam lo hle. Experience ngah zawk leh pressure sang hnuaia khel ngun zawk Alliance ten hnehna an chang a, TI 10 atangin Beast Coast te chu 13-16na ni turin an thla fel ta a ni. Beast Coast hian USD $ 600,300 an hawn ve bawk ang.
Main Event Day 1 a inkhel tawp berah North American Esports Organisation lian ber Evil Geniuses leh Elephant ten Best of One Knock Out Match an khel ve leh a. Game hnuhnung ber mah nise Draft Phase atangin a phurawmin an hero draft pawh a tha dun viau. Player nei tha dun ve ve team-te hian item timing leh team fight siam thiam kawngah an in nghat ve ve. Evil Geniuses ten Elehphant hero te Skills cool down rei tak an neih chu hriain advantage an la sual lo. Discipline tha tak hnuaiah Evil Geniuses hnehna an chang. Elephant-te hian Chinese Team Aster te hnung zuiin TI 10 13-16na dinhmun hauhin an tla fel ve bawk.
Main Event Day 2 hi vawiin lamah khelh chhunzawm a ni leh dawn a, Team 12 an la dam a. A thiam ber leh team tha ber nih tumin an inkhel leh dawn a ni.