The International 10 Main Event Day 5 khelh zawh a ni a, Lower Bracket Semi Final leh Final khelh a nih bakah Upper Bracket final khelh a ni bawk.
Main Event Match day 5 Match 1
Match hmasa berah Lower Bracket Semi Final khelh a ni a, Chinese team tha pahnih Vici Gaming leh Invictus Gaming an inhmachhawn. Team inhre chiang tak leh intum ngun an nih angin a boruak pawh a sang hle. Best of 3 series-a khelh niin Team chak lo zawk te 5-6na dinhmun hauh tur an nih avangin a tu zawk zawk pawhin chak loh an tum lo bur.
Game 1-ah Vici Gaming lamin Tiny Lina Aggressive Play Draft hmangin nawr an tum hle, Invictus Gaming lam erawhin tun TI-a Offlane Hero cho sual awl tak Magnus leh Ember Mid hmangin Counter an tum viau bawk.
A tir atangin Vici Gaming-in an nawr nghal, Lane tinah an chungnung, Tower push pawh an bei na salh salh hle bawk. Hetih lai hian Invictus Gaming lamin Magnus Offlane an kawl miau avangin IG mid leh Safelane carry-te steroid buff support nen item an nei tha ve chho ve zel a. Invictus Gaming-in an item timing hre chiangin Team Fight an pumpelh hram hram zel, an neih tur ang an neih hnuah erawh Vici Gaming tan tih theih a awm ta meuh lo. Mid game tawp lam atangin Net Worth Invictus Gaming lamin hma hruaiin a tawp thlengin an nawr a, an nawr tlawm zui ta a ni.
Game 2 Team hnih Hero Draft pawh a ngaihnawm chho viau. Invictus Gaming lamin an Signature hero Lion leh Doom an chan laiin Vici Gaming lamin Morphling Earth Shaker changin nawr nat an tum hle. Game hmuhnawm tak niin Roshan Pit Fight leh Counter Smoke Play hmuh tur pawh a tam. Vici Gaming lamin Morph Shaker Timing hmangin nawr na viau mahse Invictus Gaming lam erawh an tih turah an chiang a, a hun taka Spell an hmang zel, Vici Gaming tan tih theih a awm ta lo, an chak lo zui ta a ni.
Invictus Gaming hi top 4-ah an inhlangkai a, Vici Gaming erawh 5-6na dinhmun hauhin USD 1,400,600 an hawn dawn a ni.
Main Event Match Day 5 Match 2
Match hnihna hi Dota Fan-te hmuh chak ber a ni, European Dota Power House Team Secret leh Chinese Dota Giants PSG.LGD te chuan Upper Bracket Final an khel ve leh a. A chak zawkin Grand Final an lut chiang dawn, a chak lo zawkin Lower Bracket Final-a chak zawk zawk an tum ve thung dawn. Tun Tournament -a hneh loh la tawng lo PSG.LGD leh tun Tournament Main Stage-a tlawm la nei lo Team Secret-te hi Dota fan-te hmuh chak zing ami a ni a, Grand Final-ah an intawn nawn leh ngei ring pawh an tam hle bawk.
Game 1 Hero Draft-ah Team pahnih ten an hman tum a chiang dun hle. PSG.LGD lamin Tiny Lycan combo an thlan laiin Secret lamin Magnus Winter Wyver hmangin counter an tum nghal. Early Game-ah Team Fight hmuh tur a awm mang lo a, Mid Game-ah erawh PSG.LGD lamin item timing hmang tangkaiin an nawr na hle.
Secret-in Magnus Horn Toss an neih avangin PSG lamin High Ground nawr lawk lo mahse, Roshan Pit Fight-ah Double Damage malsawmna changin harsa lo takin team fight chakin Roshan an that zui a, PSG chuan Game khatna an la ta.
Game 2 chhunzawm a ni a, Team hnih ten tihsual neih an tum lo. Hero Drafting phase enin Game 1 lama an ngam lohte an in-BAN sak nghal hmak hmak. PSG.LGD lamin Leshrac, Monkey King , Elder Titan combo an lak laiin Team Secret lamin IO, Ursa leh Gyro an rawn la thung a. Team pahnihte Hero thlan enin Team Fight Oriented ngah viau chungin Early Game atangin an in hlau tawn viau.
Team Secret lamin Aegis vawi hnih la hmasain awmzia erawh a nei thui viau lo. PSG.LGD lam pawhin tihsual nei nualin tla fal an inchhar fo. Team Secret chuan Aegis vawi thum an laknaah erawh hma an sawn hret, Top 3rd Tower leh Barracks an ti chhe thei hram. Team hnihte an inhlau tawn, Roshan Timer-ah erawh neih zawng zawng Buyback leh Die Back thleng sengin an insual thung.
Net Worth leh economy-ah Team Secret lamin hma hruai mahse Team fight-ah an inhnehtawk viau zel avangin Team pahnihte an fimkhur chhunzawm zel a. A vawi 4- nan Secret chuan Aegis an chang leh a, fimkhur taka Mid an nawrna lamah an che sual hlauh. PSG.LGD lam bet zawka tang chungin dawhthei takin Team Secret tihsual an chang, an tifuh ta.
Na takin PSG hian Secret an hrem a, an chhang let zui. Secret lamin buyback nei chungin an hmang tlai hret, chu chuan Positioning chhe zawkah dahin beih let an harsat, beih let tum ngial mahse an theih tawh miau loh avangin PSG.LGD ten hnehna an chang ta a ni.
PSG.LGD hian Best of 3 Series Upper Bracket final-ah 2-0 in Team Secret an hneh a, TI 10 Grand Final an lut ta a ni. Pathianni-ah an tum turte an lo nghak dawn a ni. Team Secret lamin Lower Bracket Final Result-a chak zawk lo nghak ve bawkin Grand Final luhna chance an la nei zui tho bawk.
Hero Thar Merci Teaser
Match 2 khelh zawh a nih hian chawlhlawk rei lote neih a ni a, Valve Corporation lamin Dota 2-a Character Hero thar awm tur ‘Marci’ an rawn pholang a. Dota Netflix Anime TV show en thin tan chuan kan hmelhriat a rinawm. He Hero hi Fall thar Battle Pass Release Update-a awm tur nia ngaih a ni.
Main Event Match Day 5 Match 3
Match 3-naah Champion lai OG hnawtchhuaktu Team Spirit leh Chinese Team Invictus Gaming ten Lower Bracket Final an khel a. Tournament tawp lam a ni tawh a, team hnih ten chak ngei ngei an duh, hei vang hian game pawh a tang hle nghe nghe.
Game 1-ah Team hnihin Early Team Fight Oriented plan neiin Hero Draft pawh a intluk tlang viau. Team Spirit lamin Phantom Assasin IO Combo an tum, Invictus Gaming lamin Ursa Abbadon combo play an thlang ve bawk. Team fight siam thei hero team hnih hian an kawl dun nual, mahse Early Game fight hmuh tur erawh a awm mang lo.
Mid Game thlengin Tower Push leh Pick off advantage play tih loh chu hmuh tur vak a tam lo. Late Game Potential ngah zawk Team Spirit ten hei hi advantage-ah lain game flow an read fuh chho zel a, Invictus Gaming lamin an tuar chho ve zel thung. Team spirit lamin item an neih tur nei tawhah inngaiin High Ground attempt neiin an ti fuh hle a, Invictus lamin an defend thei ta lo, an tlawm zui ta a ni.
Game 2 Hero Draft-ah Team Spirit-in Doom, Drow Ranger leh Dragon Knight Line Up an rawn thlang a. Invictus Gaming lamin Faceless Void, Lina leh Earth shaker an rawn thlang ve thung. Game tan tirh phat atangin Invictus Gaming lamin hneh tumin Fight an force nasa nghal hle, Team Spirit lamin tlanchhiat zai rel lovin an lo hmachhawn ve zel bawk.
Early game atanga Mid game thlengin an indim lo dun hle. Hetia Team Fight tam tak awm karah hian Team Spirit Carry Draw Ranger-in Team Fight pumpelhin a farm theihna hmun apiangah fimkhur taka in-farm zel a thlang a. Chu chuan rah tha tak sengin leh lam carry aiin Item timing a rawn nei tha zawk a, Rampage kills hial neiin a rawn che tha chhunzawm, Team Spirit te a chakpui tlang ta a ni.
Team Spirit hian Invictus Gaming-te chu Best of 3-ah 2-0 a hnehin Top 3 ah an in hlangkai a. Pathianni lamah Team Secret nen Grand Final luh inchuhin an in tum ve thung dawn a ni. Invictus Gaming erawhin TI 10 4na dinhmun hauhin , USD 2,400,100 /- an hawn ve thung dawn a ni.
Talent Staff Exhibition Match
Kum dang TI ang bawkin Main Event Day 5-ah hian Exhibition Match buatsaih a ni a, tun tum erawh Alll Star Players ni lovin Talent Staff (Casters, Analysts, Panelist) neih a ni thung. Russian Talents leh English Talents-te intumin hun hlimawm tak nen Day 5 khar a ni.
October 17 chhun dar 12:30 hian Inelna chhunzawm leh a ni anga, team 3 la damin PSG.LGD-in Grand Finals an lut chiang tawh a. Team Secret leh Team Spirit ten Grand Finals luh tumin Match hmasa berah an inhmachhawn dawn a ni.
Reporter : Francis Lal