Thlasik bazar titi

28th January 2022, 09:01AM

  • Bayern Munich-a season khat dang bak contract nei tawh lo German forward kum 32 mi Thomas Muller chu Newcastle leh Everton-te’n an ngaihven tan. (Sportbild)

  • Barcelona chuan nipui bazara Borussia Dortmund striker Erling Haaland an lakluh theih nan euro maktaduai 100 intuak ngah an tum mek. (Goal)

  • Manchester United-ah bul a tan chhiat lem loh avangin United hian Ralf Rangnick chu an manager nghet atana rawih an rilruk. (Sun)

  • Frank Lampard chu Everton manager ni tura rinkai ber a ni ve leh ta. (Independent)

  • Napoli striker kum 23 mi Victor Osimhen chu Newcastle leh Arsenal te chuan lakluh an duh a, Osimhen hi pound maktaduai 60 man vel ni tura ngaih a ni. (Gazzetta dello Sport)

  • Manchester City leh Liverpool te lakluh tum PSV winger kum 22 mi Cody Gakpo chu Arsenal pawhin an ngaihven ve tan. (Footmercato)

  • Newcastle chuan Burnley defender kum 29 mi Dan Burn an dawr a, mahse Brighton hian a lo hnar. (Athletic)

  • Southampton chuan Chelsea striker loan-a an kawl mek Armando Broja chu an club player man to ber ni turin pound maktaduai 25-a lei an tum. (Fabrizio Romano)

  • Newcastle chuan Manchester United attacking midfielder Jesse Lingard chu loan-a lakluh duh viau mahse United hian loan fee an phut san em avangin thil a khailak. (Mail)

  • Tottenham chuan Valencia hnenah an midfielder Tanguy Ndombele chu loan-a chhuah tir an remti. (Telefoot)

  • Liverpool chuan tun season daih bak Juventus-a contract nei tawh lo Paulo Dybala chu inbiakna an neihpui tan tawh. (TuttoMercato)

  • Arsenal chuan Arthur Melo chu Juventus atangin loan-in an lalut thei lo maithei. Arsenal hian tun season tawp thleng atan kum 25 mi loan-a lak an duh a, Juventus hian thla 18 chhung atana inrem an duh ve thung. (Athletic)

  • Thasik bazar inkhar hma ngeiin Arsenal chuan Aston Villa midfielder Douglas Luiz dawr an tum. (Birmingham Mail)

  • AC Milan chuan Arsenal striker Pierre-Emerick Aubameyang lakluh tumin hma an la mek a, mahse kum 32 mi hian Zlatan Ibrahimovic-a hlawh let aia tam a phut ve thung. (Star)

  • Leicester City chuan Tottenham nena sawizawm Angers forward kum 18 mi Mohamed Ali-Cho lakluh an tum mek. (Footmercato)

  • West Ham leh Crystal Palace te chuan Marseille striker Bamba Dieng chu lakluh an tum leh hnuhnawh a, kum 21 mi hi Marseille hian pound maktaduai 8-in tun thla chhungin an hralh phal. (RMC Sport)

  • Manchester City chuan MTK Budapest atangin Hungarian winger kum 17 mi Zalan Vancsa lakluh an tum. (Telegraph)

  • Brighton chuan Braga atangin Spanish forward kum 21 mi Abel Ruiz lakluh tum mahse, Braga hian an lo hnar. (90min)

  • Tottenham chuan Sevilla centre-back Diego Carlos lakluh an duh hle a, a manah Giovani Lo Celso pek tel an inhuam. (Sun)

  • Barcelona chuan Chelsea captain tun season zawh ruala contract hmang zo tur Cesar Azpilicueta chu free transfer-a lakluh theih an inbeisei. (Goal)
Copyright © inkhel.com 2022. All rights reserved.