Athletic Bilbao defender Yeray Alvarez chuan damdawi hman phal loh a lo hman avangin thla 10 chhung hrem a ni.

Kumin May thlaa Europa League semi final match-a Manchester United an hneh loh khan, kum 30 mi defender hian drug test a paltlang lo a, damdawi chi khat, steriod tel canrenone chu a zunah hmuh niin, hei hi an hrem chhan chu a ni.

Hetih lai hian Alvarez hian intihchaknan he damdawi hi a hman loh thu a sawi a, cancer a lo vei tawh avangin a sam a tla nasa a, a damdawi hmanah chuan canrenone a lo tel niin a sawi. UEFA chuan Alvarez-a chhuanlam hi a pawm em em a, amah pawh hian a duh reng vanga hmang a nih loh thu a sawi bawk a ni.

Kum 2016 khan Avalrez hi testicular cancer an tih mai, chi kawnga cancer avangin enkawl a lo ni tawh a, a inenkawlnaah hian a sam a tla nasa em em bawk.

UEFA chuan Alvarez-a insawifiahna hi a pawm a, "non-intentional anti-doping rule violation" an tih dan, tum reng vang ni loa damdawi hman phal loh hman avanga hremna dan hmangin an hrem ta zawk a ni.

Thla 10 chhung an hrem ta a, an hremna hian nakkum April ni 2 thleng a awh dawn a, nakkum February thla atangin training a zawm leh thei bawk ang. Alvarez hi Athletic Bilbao Academy chhuak a ni a, senior team tan game 257 a khel tawh a ni.