Portuguese superstar Cristiano Ronaldo chuan a nun pum chu a chhungte tan hman a duh tih sawiin a fapa kianga hun hman tluka nuam tih a nei lo tiin a sawi bawk.
Ronaldo hian fapa kum nga mi a neia, a chhungte leh a thian tha te tluka ngaihpawimawh a nei lo tih a sawi. Hengte avang hian nun hlim leh hrisel taka hun hman reng a duha, football vanga a hlim zia pawh sawi hmaih phal chi rual a ni lo.
Ballon d'Or winner vawithum lo ni tawh CR7 chuan Libero ah zep hni hne awm lovin a thil hlauh ber chu thih hma a nih thu sawiin tar rat thleng dam a duh tih a sawi a, kum 80-90 thleng dam ka duh a ni a ti.
Ka nun hi pangngai thei ang bera hman ka duha, ka chhungte, thiante leh ka fapa bula hun pangngai tak hman hi ka duh ber. Football ah hian hlimna tam tak ka hmua, fans te pawh hlim ve turin ka duh a ni tiin Ronaldo chuan a sawi.
Rawlthar ria thler thlawr ve tak atanga pa pian tha taka a insiam chhoh theih dan hi Ronaldo chanchina sawi hmaih hauh loh tur chu a ni ta ve ang. A thawhrim nasat zia te mit ngeiin kan hmu a, amah ngei pawhin tuna a taksa ang nei tura a beih nasat zia a sawi ve fo reng a nih hi.