Thamna laa puh avangin Nepali footballer panga chu man an ni a, an zingah hian Nepal national captain hlui Sagar Thapa leh goalkeeper Ritesh Thapa an tel.
Mi pangate hian kum 2011 khan 2014 World Cup qualifying round an khelhlaiin thamna an la tih Police-te chuan an Bank Account-a pawisa tam tak an hmuh atangin an hria a, thla hmasa khan man tawh an ni.
Player panga zinga pakhat dan hremi (lawyer) chuan an puhna hi a hnar vek a, Prosecutor lam chuan damchhunga tan tir theihdan an dap mek thung.
Kathmandu-a Special Court kawtah man zinga pakhat Ritesh Thapa chuan, "Thudik kan hriat thuai kan beisei." tiin thu thar lakhawmtute a hrilh.
Player pangate hi Police kutah an awm a, Physiotherapist pakhat pawh he thamna lak chungchangah hian inhnawmhnawih ve a rin a ni.
Thamna laa puhte hi 1989 Act tlawh chhana man an ni a, Special Court-a registrar Bhadrakali Pokharel chuan mi pangate hi Nepal zahawmna, dikna leh in pumkhatna palzuttu niin a sawi.
AFP hnenah Pokharel hian, "Thla hmasa a man player pangate hi sawrkar chuan thamna laah ngaiin thiamloh a chantir a, damchhung tan theihna thlengin hremna tur hi a ngaihtuah. " tiin a sawi.
Footballer pangate hi kum 2011 khan an inkhelh tam taka chaklo turin thlem an ni a, kum 2014 World Cup an khelh phaklohna chhanah an in hnamhnawih thuk hle.
picture credit : Getty