Tun weekend liamta khan transfer titiah heng manager pathumte thawm hi a lian hle a nih kha.

Bayern Munich chuan manager dang dang an be kual a, an lo rawih tawh, Man City boss Pep Guardiola an ngaihven leh niin media ten an tarlang.

Mahse Guardiola-a agent te chuan, Bayern Munich chu Pep-a thinlungah la cham reng mah se, City-ah Spanish coach hi a rinawm a, a contract hman zawh a tum niin thuchhuah an siam.

Erik ten Hag chu Manchester United-in an ban dawn tih thuthang a ri reng a, Bayern Munich chuan Ajax boss hlui hi an ngaihven ngei niin English media te chuan an tarlang.

Hetih lai hian Erik ten Hag chuan Manchester United chhuahsan a tum loh thu a sawi chiang a, season thar atana player lei tur te pawh a dap chho leh tawh niin a sawi bawk.

Ten Hag ban a nih chuan Thomas Tuchel chu United-in an dawr dawn niin thathang a awm ve bawk a, hei erawh Ten Hag-a dinhmuna zir a ni tawh ang chu.

Bayern Munich supporter te chuan Thuchel chu ruai chhunzawm zel turin club hotute an nawr, Bayern Munich hian Tuchel hi tun season tawp ruala chhuahtir an lo tum tawh kha a ni a, an rilru an sut leh thut maithei.

Hetih lai hian Tuchel chuan Bayern Munich chhuahsan tura a rilru a siam fel tawh thu leh, cham chhunzawm zel tura an sawm pawhin a hnial dawn niin media te chuan an tarlang mek bawk.