Carlo Ancelotti chuan an team buaina an hmuchhuak niin a sawi a, a chinfel dan pawh an hria niin a sawi bawk.

Thawhlehni zan Champions League match-ah 3-1 in AC Milan an hneh lo.  Santiago Bernabeu-a El Clasico match-ah pawh goal 4 lai chhuahin an tlawm bawk a nih kha.

Inrinni hian La Liga match-ah Osasuna an hmachhawn dawn a, game khata khel tlem zawk chungin hmahruaitu Barcelona chu point 9-in an thlau mek.

Kum 65 mi Italian coach chuan an team buaina chu an sawi ho thu leh, a chinfel an an hmuchhuah thu a sawi.

"Kan sawi ho a, player te nen thil dik lo lai siamthat tumin kan sawi ho.

"Kan buaina chinfel dan chu kan hmuchhuak niin kan inhria, mahse a thu mai chauhin a la ni a, practice-naah kan han enchhin ang a, kan hriatchhuah hi kan harsatna niin kan hre tlang a, naktuk lamah kan enchhin ang," tiin Ancelotti chuan zirtawpni khan a sawi.

Vinicius Jr leh Mbappe te position chungchangah harsatna an neih leh neih loh chungchang zawh a ni a, Ancelotti chuan hmatawng lam aiin tlarhnung lamah buaina an tawh thu a sawi.

"Vini-a position hi thlak ka tum lo, danglamna thlen thei a ni a, tin, Mbappe hi centre forward position-ah tha takin a khel thei bawk. Kan buaina hi hmatawng lamah ni loin, tlarhnung lamah a ni zawk e, position lam a ni lo," tiin Ancelotti chuan a sawi bawk.