Manchester United leh U.S. technology company Qualcomm te chu jersey hma sponsor chungchangah inremna an neihpui ta a, 2024-25 season atangin United kawr hmaah Qualcomm tar a ni tawh dawn a ni.

An inremna hi kum khat chhungin €71m vel nia report a ni a, kum 3 chhung atan inremna an nei phawt a. He sponsorship deal hi Football club record thar a ni ta bawk a ni.

United hi che hma hret selang chuan, tun season-ah pawh khan Qualcomm hi an tar hman a rinawm a. Season tantirah inremna an nei a, TeamViewer chuanna jersey an lo hralh chhuak hnem tawh si a, chuvang chuan season thar an nghah a ngai dawn ta a ni.

United hian nikum lam atang khan telecommunications hardware leh semiconductors siamtu company Qualcomm brand pakhat Snapdragon chu an lo vawrh lar tawh a. Snapdragon hi electronic gadgets lam ngaina tan chuan thil thar a ni lo a, Smartphones, PC leh Gaming thilah te kutchhuak an ngah hle.

Nikum khan an contract kal lai bak hi chhunzawm an tum tawh loh thu Team Viewer lamin an tarlang a. An duh duh hunah United hian an kawr hmaa chuang tur thawhpui an nei thei bawk a, Team Viewer nena contract an neih lai pawh hian company dang pawh United hian an tar thei tihna a nih chu, chutiang a nih chuan Team Viewer hi kawng dangin United hian an thawhpui chhunzawm dawn tihna a ni bawk.

Shirts Sponsorship (Kum khat chhung) man to ber chu Real Madrid leh Emirates a ni a, Real Madrid leh Fly Emirates te kha  €70 million-in an in rem a nih kha. 

Shirts sponsorship man to top 10 hetiang hian :

1. Manchester United (Qualcomm - €71 million)

2. Real Madrid (Fly Emirates — €70 million)

3. Paris Saint-Germain (Qatar Airways — €65 million)

4. Barcelona (Spotify – €57 million)

5. Manchester City (Etihad Airways — €55 million)

6. Liverpool FC (Standard Chartered – €53.5 million)

7. Juventus (Jeep – €51 million Euros)

. Bayern Munich (T-Mobile – €50 million)

9. Arsenal (Fly Emirates – €45 million)

10. Tottenham Hotspur (AIA – €45 Million Euros)