Khawvel pum huapa MMA fighter tha pahnih Gegard Mousasi leh Rory MacDonald te chu September 29-ah an inbei ngei dawn niin a lang. Tun dinhmunah hian Gegard Mousasi-a hi Bellator Middleweight Champion a ni a, chutih laiin Rory MacDonald-a hi Bellator Welterweight Champion a ni thung.

ESPN.com leh MMA reporter pakhat atanga thudawn danin fighter pahnihte hi middleweight title an inchuh dawn niin an sawi a, hemi chungchang hi Bellator lam pawhin official taka a puan thuai a rinawm.

Fighter pahnihte intum tur hi khawvel mipui tam takin an thlir chak tawh hle a, khawvel MMA promotion lian ber UFC lamah pawh fighter tha ber zinga mi an ni a, nimahsela Ultimate Fighting Championship(UFC) laka an lungawi tak lovah Bellator lamah contract an ziak ta thung a, champion an ni zui ve ve ta bawk.

Bellator 192 neih zawh takah Rory Macdonald-a hian Douglas Lima title kawllai chu a chhuhsak a, Bellator welterweight champion a ni zui ta bawk. Hemi hnu rei vak lovah hian Bellator 200-ah Gegard Mousasi-a chuan Rafael Carvalho-a chu first round zawh hmain technical knockout-in a hneh bawk a, middleweight champion a ni zui ta bawk.

Bellator Middleweight Champion Gegard Mousasi-a hian Rory MacDonald hmachhawn a chak thu a lo sawi tawh thin a, an intum anih phawt chuan knockout-in a hneh ngei a ring bawk. Mousasi-a hian UFC Middleweight

champion hlui Chris Weidman-a lakah hnehna te pawh a lo chang tawh thin a, hei mai bakah MMA organisation dangah te pawh champion a lo ni tawh thin. A taksa len zawkna avangte pawhin chak zawk tura rin a ni mah zawk. Chutih laiin Bellator Welterweight Champion Rory Macdonald-a hi dah hniam chi a ni ngawt biklo. UFC Welterweight Champion Tyron Woodley-a te pawh a lo hneh tawh.

UFC 189-a Robbie Lawler nena an inbeihna chu MMA fight neih tawh zinga hmuhnawm ber pawl a tih theih ang. A wrestling leh striking tha tak hmang hian Mousasi-a lakah hian hnehna a chang thei ang em! Fight ropui tak anih ngei rin a ni.