Arsenal striker Gabriel Jesus chu a inhliam a, a inhliam avang hian chawlhkar eng emaw chhung a chawlh a ngai dawn tih Gunners manager Mikel Arteta chuan a sawi.

Arsenal hian Nilaini zanlai khan AS Monaco an hmachhawn a, an inkhelh zawhah Arteta chuan an striker Jesus chu a khupa zai tenau a tawh avangin a chawlh rih a ngaih thu a sawi a, Brazilian striker hian season bul a tan ve thei dawn lo.

Pre season friendly inkhelah Arsenal in Barcelona an hneh tum khan kum 26 mi hian inkhel bul a tan a, he inkhelah hian minute 79 chhung inkhelin, an inkhelh zawhah Arteta hian a fak viau nghe nghe a ni.

Nikum khan World Cup-ah Jesus hian a khup a lo ti na tawh a, hemi tum hian December thla atanga March thla thleng a chawla, tunah Premier League tan nana ni 10 chiah a awm tawh tihah vanduaithlak takin a khupah bawk harsatna a tawk leh.

Arteta chuan, “Vanduaithlak takin zai tenau a tawk a, a khupah harsatna a nei a, chuvang chuan zai a ni. Zai tenau a ni a, mahse kar eng emaw zat chhung chu a chawlh a ngai dawn,” tiin Jesus-a inhliam chungchang a sawi a ni.