Chelsea laka 4-3 a an tlawm hnuin Tottenham defender Cristian Romero chuan club board te chu sum hman nasa tawk lohah a ngai a, a sawisel nasa hle.

Pathianni zan khan Ange Postecoglou leh a hote hian Chelsea lakah si hnih faiin hma an hruai, hun a tawp meuh chuan 4-3 in Chelsea an chak.

Spanish broadcaster Telemundo Deportes-in a kawmnaah Romero chuan, "Kum tinin Manchester City chu champion tura rinkai zingah an tel ziah.

"Liverpool pawhin an squad an thuam chak zel a, Chelsea pawhin chutiang bawkin. An result chu hei tunah kan hmu mek a nih hi. Heng hi kan entawn ve a ngai a ni.

"Kan team-ah hian thil dik lo a awm a ni tih hi kan hriat a hun tawh khawp mai, board lam pawh hian hre ve mial se ka duh a ni.

"Kum hnih khat chhungin player leh coaching staff te chiah an che sawn. Club board te erawh an ngai reng si.

"Hma kan sawn theih loh chhan hi hotute hian anmahni niin inhria se, he club hi a ropui a, club lian tak a nih avangin kum tin hian title chuh thei dinhmunah ding ziah ila ka duh a ni," tiin a sawi.