Arsenal leh Brighton te inhnehtawk tum a, Declan Rice-a red card chawi chungchang chu thuneitu lamin an ennawn a, khami tuma referee Chris Kavanagh khan thutlukna dik tak a siam tih puan a ni.

Arsenal midfielder khan hnawhchhuah a phu em? Tih chungchang ngaihtuahin thuneitute chuan endiktu an ruat a, Arsenal leh Brighton inhmachhawn tum khan Rice kha minute 49-ah hnawhchhuah a ni a, Rice khan a tilui nge tilui lo tih ngun taka ennawn a ni.

Joel Veltman-a free kick pet tur kha Rice khan zawitein a lo khawih kawi zeuh, referee chuan yellow card pahnihna pein, a hnawtchhuak chhunzawm ta a nih kha.

"Rice khan a thil tih kha a hrechiang em em a ni. Zawi tein a tawk a, mahse referee khan a lo hmu chiang em a, duhthlan tur dang a nei ta lo a ni," tiin endiktute chuan thutlukna an siam.

Kai Havertz-a goal hmangin Arsenal chuan hma an hruai mek. Second half tirah Declan Rice hnawhchhuah a ni a, chumi hnuah Joao Pedro chuan Brighton siphurh a rul ta a ni.