Bayer Leverkusen chuan record khum harsa em em tawh tur an siam ta, game 49 lai a zawnin chak loh tawng loin an kaltluang.

He record hi khum mai mai a harsa tawh khawp ang le, December 1963 leh February 1965 khan Benfica chu a zawnin chak loh nei loin game 48 an kal tluang a nih kha.

Kha record pawh kha khum harsa tak a ni a, kum 2024-ah chauh khum a ni a, Xabi Alonso leh a hote chuan record thar Ningani zan khan an siam leh ta bawk.

Europa League semi finals 2nd leg-ah Roma chuan Leverkusen an tlawh, Peredes goal hmangin minute 66-ah Roma chuan si hnih faiin hma an hruai.

Leverkusen chuan an nawr a, hun tawp lamah goal hnih an khung leh tlat mai. Mancini chuan an lamah a ti goal a, 90+7 minute-ah Stanisic chuan draw-na goal a khung.

2-2 in inhnehtawk mah se, aggregate chuan 4-2 in Leverkusen an chak ta a, final lutin, Atalanta nen final-ah an inhmachhawn dawn a ni.

Leverkusen hian an record ropui tak hi an chhunzawm zel thei ang em? Game 4 khelh hmabak tun season-ah an la nei.

Bundesliga match hnih an la nei a, Bochum leh Augsburg an la hmachhawn dawn. DFB Pokal final-ah Kaiserslautern an hmachhawn dawn a, Europa League final-ah Atalanta an hmachhawn leh dawn bawk a ni.