Karim Benzema chuan kum 14 lai hun a lo hman tawhna Real Madrid a chhuahsan tak tak dawn ta a, Real Madrid pawhin an thlah fel ta e.

Benzema hian kum 2009 khan Lyon atangin Spanish club hi a zawm a, season tawp rual hian Madrid club hi a chhuahsan dawn ta a ni.

Madrid-ah hian season 1 daih contract a la nei a, mahse Al-Ittihad lam atanga dawrna lian tham tak a hmuh chu a umzui dawn niin Spanish chanchinbu thenkhat chuan an tarlang. 

Benzema hian Madrid-a a cham chhungin Champions League  title 5 leh La Liga title 4 a lo hlawh chhuak tawh.

Saudi lam Al Ekhbariya television station chuan Pathianni khan Benzema chuan Al-Ittihad-ah kum 2 daih contract a ziak dawn niin an tarlang.

Mahse Real Madrid manager Carlo Ancelotti chuan inrinni khan internet lama thu thangte thu belhchian dawl lo a nih thu sawi chhuakin, kum khat dang an hnena la cham turin duh mah se, an thlah a ngai ta a ni.

First-team player tun nipuia Madrid chhuahsan tur zingah Eden Hazard leh Marco Asensio pawh an tel. 

Benzema hian Madrid tan game 647 lai a khel tawh a, Cristiano Ronaldo dawta Madrid tana goal khung hnem ber a ni.

"Madridisdas leh fan-te zawng zawngin kan ngai hlu em em a, kan club tan chauh ni lo khawvel football tan legend a ni.

"Real Madrid hi a in a ni reng ang a, Karim leh a chhungkuate an kal lehzelna turah duhsakna sang ber kan hlan,"tiin Real Madrid Club thuchhuah chuan a tarlang.