Kylian Mbappe chungchanga an hlawhchham hnuah Real Madrid chuan player thar an melhzui zel a, tunah hian Raheem Sterling lam an hawi leh tawh niin The Sun leh Daily Express chuan an ziak.

Spanish club hian hunrei tak chhung chu Sterling hi an thlithlai tawh niin an sawi a, amanah £50m sen an huam bawk niin thuthang a awm.

Kum 27 mi hian City-ah thla 12 daih chiah contract a nei tawh a inremna thar chungchang sawirik ala awm lo.

Real Madrid hian Erling Haaland leh Mbappe an chanloh avangin player ṭha dang lakluh an tum zui zel tho a, kar khata £350,000 hlawh mektu Sterling hi thlemluh theih an in beisei.

England winger hian Pep Guardiola hnuaiah inkhel bul a ṭan lo ta zeuh zeuh a, kum 2020 khan Real Madrid hi a ngainat thu a sawi tawh bawk.

November thla maiah World Cup a awm dawn avangin mumal taka inkhelh a mamawh a City hi a chhuahsan maithei niin an sawi a ni.